Wouter Beyneveldt (31) en André Oosthuizen (21) het Dinsdag in die Cullinan-landdroshof, oos van Pretoria, verskyn in verband met die moord op ʼn man wie se liggaam Sondag in die kattebak van ʼn motor gevind is.
Ao. Johan van Dyk, woordvoerder van die polisie, het aan Maroela Media gesê Beyneveldt en Oosthuizen, albei inwoners van Kameeldrift, staan tereg op aanklag van moord.
Alhoewel die Sinoville-polisie die moordsaak ondersoek, word die saak in die Cullinan-landdroshof aangehoor aangesien dit nader aan die moordtoneel, in Kameeldrift, is.
“Hulle het vlugtig in die hof verskyn. Die saak is tot volgende week uitgestel wanneer die beskuldigdes na verwagting om borgtog gaan aansoek doen,” het Van Dyk gesê.
Van Dyk het gesê die familie van die oorledene het versoek dat die man se naam tans nie bekend gemaak word nie. “Sy bejaarde ma is steeds vreeslik getraumatiseerd en die polisie sal die familie se wense respekteer.”
Maroela Media het vroeër berig die Tshwane-metropolisiebeamptes het Sondagoggend op ʼn gruvonds in ʼn kattebak van ʼn luierende motor afgekom.
Die voorval het omstreeks 08:00 in Montanapark, in die noorde van Pretoria, plaasgevind toe ʼn wit Jetta ʼn padteken getref en in die middel van die pad op ʼn verkeerseiland te staan gekom het. Dit het op die hoek van Sefako Makgathorylaan en Calliandrastraat plaasgevind.
“Lede van die publiek het nader gegaan. Die motor het nog geluier, maar die bestuurder was nêrens te vinde nie. Hulle het toe die metropolisie ontbied en die motor is deur metrobeamptes deursoek – dit is toe dat hulle ʼn man se liggaam in die kattebak aangetref het,” het Van Dyk vroeër gesê.
Van Dyk het bevestig dat die slagoffer se hande vasgebind was en dat hy vol bloed was. Die oorsaak van die man se dood is nog nie bekend gemaak nie. Die moord is glo in Kameeldrift gepleeg waarna die liggaam verwyder is.
Die twee verdagtes is kort na die voorval in hegtenis geneem.
sulke gemors lewe hier tussen ons. Hulle moet geen borg kry nie.
Stem skuim van die aarde.
Ek hoop alle misdadigers se fotos gaan so groot wees.
Ang nee net sekeres.
2 snaakse dudes
Genade, Wouter Beyneveldt is in dieselfde kerk as ek. Ons ken hom as Soutie en het hom al baie Sondae na kerk ‘n saamry geleentheid huis toe gegee
Lewenslank tronkstraf asb. Doodstraf sou beter wees
Ai tog maar daar is baie moordenaars in hierdie land. Kyk net die klomp van Krugersdorp waar selfs die Ma gemoor het en die klomp van Mooinooi! ‘n Mens moet uiters versigtig wees. Hoekom lyk die foto’s so snaaks????