Twee mans, onderskeidelik 43 en 24 jaar oud, verskyn na verwagting Donderdag in die Blue Downs-landdroshof op aanklagte van moord, ontvoering en kaping, ná ʼn verkoolde liggaam verlede week in die kattebak van ʼn uitgebrande motor gevind is.
Sers. Noloyiso Rwexana, polisiewoordvoerder in die Wes-Kaap, het gesê ʼn verbyganger het die polisie Sondag na die toneel in Silversandweg ontbied waar die liggaam van ʼn 41-jarige man in die kattebak van die motor gekry is.
Een van die vermeende betrokkenes is ʼn dag later in Denemere in Blackheath in hegtenis geneem en nadat verdere inligting opgevolg is, is die tweede verdagte ʼn dag later vasgetrek.
Die identiteit van die slagoffer is nie bekend gemaak nie.
Dankie aan die persoon wat gesorg het vir geregtigheid en die polisie laat weet het hoe boos en wreed het die wêreld geword die twee moet baie swaar gestraf word jammer die doodstraf is nie op die tafel nie. Dit is siek.
Misdaad is buite beheer en dan word tyd en geld gemors oor die ou vlag!