(Argieffoto)
ʼn Paartjie van Queenstown in die Oos-Kaap het Woensdag in die plaaslike landdroshof verskyn nadat hulle glo ʼn 12-jarige seun gedwing het om sy eie ontlasting te eet.
Asanda Mkoko (39) en Ayabulela Yolanda Buso (28) word aangekla van poging tot moord, kindermishandeling en aanranding met die doel om ernstig te beseer. Die saak is tot 15 Junie uitgestel wanneer hulle na verwagting om borgtog aansoek sal doen.
Anelisa Ngcakani, woordvoerder van die Nasionale Vervolgingsgesag (NVG) in die Oos-Kaap, het gesê die paartjie het die seun glo Saterdag voor hul huis in die Nkululekweni- informele nedersetting se ingangshek betrap waar hy homself verlig het nadat hy saam met vriende in die straat gespeel het.
Die paartjie het hom glo met ʼn besem begin slaan. Die seun het glo om verskoning probeer vra waarna hulle hom glo gedwing het om sy eie ontlasting te eet. Die seun het ná die voorval gemeenskapslede ingelig oor wat gebeur het waarna die polisie in kennis gestel is en die paartjie Maandag in hegtenis geneem is.
Hoe siek is dit!!!!
Onmenslik
En hier dink ek om n hond se snoet daarin te druk is erg…Gee vir elk van hulle n bord van die ander s’n om te eet en vat hul tande borsles weg vir 24 uur
Sjoe…..
Wonder nou of die EFF by die hof gaan betoog???
Wie het hom geleer om sy ding daar te doen, of doen almal dit so!
Ek weet dit sal nie gebeur maar in sulke gevalle : ‘n oog vir ‘n oog oftewel gee hul dieselfde wat hul al so lank aan die arme kind gedoen het. Miskien as ouers dieselfde lyding ondergaan as wat hul aan kinders doen sal hul twee keer dink. Miskien…