Twee in Noordwes met springstof betrap

Argieffoto

Argieffoto

Twee verdagtes sal Maandag in die Brits-landdroshof in Noordwes verskyn in verband met die besit van springstof.

“ʼn Misdaadintelligensieoefening deur die polisie in Rustenburg en Brits het tot die inhegtenisneming van die twee verdagtes gelei,” het kapt. Paul Ramaloko, woordvoerder van die polisie, in ʼn verklaring gesê. “Die twee mans, onderskeidelik 33 en 43 jaar oud, is Donderdag by die Petroport-vulstasie in Bapong in hegtenis geneem.”

Een van die verdagtes het glo tydens die inhegtenisneming erken dat daar nog springstof by hul huis in Bapong is. Die polisie het beslag gelê op 40 eenhede springstofgel en 73 ontstekers.

Die 43-jarige man is na bewering ʼn werknemer by die Lonmin-myn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

4 Kommentare

Bart ·

Die vraag is waarvoor wil hulle dit gebruik en wanneer? Dis nou die wat gevang word.

Dave ·

Nou…….. hoe gedoen as jy jou kaart verloor het en geld nodig is?

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.