Twee ‘inbrekers’ op plaas doodgeskiet

Argieffoto

Argieffoto

Twee vermeende rowers is doodgeskiet en ʼn derde gewond, nadat hulle Woensdagaand glo by ʼn huis op ʼn plaas in die Walkerville-gebied, suid van Johannesburg, ingebreek het.

Kapt. Teboho Lephoto, woordvoerder van die polisie, het gesê die eienaar van die huis het omstreeks 23:00 wakker geskrik van die geluid van glas wat breek. Hy het opgestaan om ondersoek in te stel en het hom in ʼn gewapende rower vasgeloop.

“ʼn Struweling het ontstaan en die man kon daarin slaag om die rower se vuurwapen af te neem en hom te skiet. Die verdagte is op die toneel dood,” het Lephoto gesê. “Die man het daarna deur die venster gesien hoe nog mense buite die huis beweeg en het verskeie skote deur die venster afgevuur.”

Volgens die Lephoto het die man gaan ondersoek instel en gesien een verdagte is buite doodgeskiet en ʼn tweede gewond. Hy het toe die polisie ontbied. Die gewonde verdagte is in ʼn kritieke toestand na die hospitaal gehaas.

Lephoto het gesê ʼn saak van huisbraak is geopen. ʼn Geregtelike doodsondersoek word ook gedoen. Hy kon nie die naam van die eienaar van die huis bekend maak nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Jacobus

“Inbrekers”? Een was dan klaar binne of hoe?

Spook

Ditsim jou yster! Bly die inwoner het niks oorgekom nie. Laat dit vir alle moordenaars n waarskuwing wees. ONS RAAK GATVOL

Eddie

10 uit 10 ons boere moet nou paraat wees en hul self, sy familie en eiendom beskerm.

Eddie Liebenberg

Kyk hoe kom dit terug na hom toe omdat hy een rower doodgeskiet en een gewond het buite die huis. Belaglik

Koos Roets

Net baie jammer dat die boer nou van moord aangekla kan word vir die dood van die swerkater wat buite die huis dood geskiet is. Volgens wet. In alle geval, vat vyf!