Twee kapers vas ná ongeluk

Argieffoto

Die polisie in die Wes-Kaap het Sondag twee verdagtes in hegtenis geneem, nadat ʼn gekaapte voertuig teen die polisie se motor vasgery het.

Die motor is glo kort voor die voorval in Khayelitsha gekaap.

Volgens kol. Andre Traut, polisiewoordvoerder, is die bestuurder van ʼn Toyota Avanza deur vier verdagtes gedwing om sy motor te bestuur waarheen hulle hom beveel. “In Ou Faureweg in Mfuleni naby Somerset-Wes het die slagoffer ʼn polisievoertuig gewaar en aspris daarteen vasgery om die polisie se aandag te trek,” sê Traut.

Twee kapers en drie polisiemanne is tydens die botsing beseer. Die polisie kon wel daarin slaag om die twee beseerde kapers in hegtenis te neem. “Die ander twee het ongelukkig weggekom.” Die polisie het ook beslag gelê op ʼn 9 mm-pistool en haelgeweer in die verdagtes se besit.

“Die verdagtes is in die hospitaal opgeneem en sal binnekort in die hof verskyn,” sê Traut.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

7 Kommentare

Wit Willem ·

Wonder of die 9mm en haelgeweer ook van die Polisie afkomstig is? Sal graag wil weet.

Pofadder ·

Die land is in n ongedisplineerde toestand on dat gemors menseregte het

Daan ·

Soos die ou wat iemand gevra het: watter bus gaan hospitaal toe? Toe se hy : spring sommer voor daardie een in. En watter polisiekar gaan tronk toe?………

Humor ·

Nou wel bietjie drasties maar n goeie manier om hul wakker te maak.

Pieter, Weskaap. ·

Wit Willem, so het die polieste hul wapens terug nadat hulle die boewens “per ongeluk” ontmoet het! Dis net jammer dat meer polisielede as kapers seergekry het.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.