Twee kinders glo deur oom vermoor

Gemeenskapslede het skynbaar reg in eie hande geneem nadat twee kinders vermoor is. (Foto: Saps)

Die polisie in Mothothlung in Noordwes ondersoek drie klagte van moord nadat twee kinders moontlik deur hul oom vermoor is. Lede van die gemeenskap het die verdagte toe, skynbaar uit weerwraak, vermoor en aan die brand gesteek.

Volgens kol. Adéle Myburgh, polisiewoordvoerder van Noordwes, het die kinders, ʼn sesjarige meisie en haar vierjarige nefie, se oom hulle Woensdag teen 18:00 by hul huis gaan haal. “Toe die kinders nie terugkeer huis toe nie, het die ouers bekommerd geraak en hulle Donderdag net ná 01:00 as vermis aangemeld.”

Die polisie het deur die nag na die oom en die twee kinders gesoek. “Lede van die gemeenskap het die kinders se 31-jarige oom Donderdagoggend opgespoor en, sonder om die polisie daaroor in te lig, gevra dat hy hulle wys waar die kinders is. Hy het hulle toe gevat na bosse agter ʼn kerk in die omgewing, waar die kinders se liggame gekry is,” het Myburgh gesê. “Hul kele was met ʼn skerp voorwerp gesny.”

Lede van die gemeenskap het klaarblyklik besluit om die reg in eie hande te neem en het die verdagte doodgemaak en sy liggaam aan die brand gesteek.

“Die polisie ondersoek die saak. Teen Donderdagmiddag was die gebied weer kalm,” sê Myburgh.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

7 Kommentare

Swerwer ·

Wreed maar ja, die Regering vra daarvoor dat gemeenskappe reg in eiehande neem.

Furds ·

Ek dink die ”mob justice” gebeur so baie in jou afgelee plekke dat dit nie eers meer gerapporteer word of polisie ondersoekke plaasvind. Ek stem, wat jy saai sal jy maai.

madels ·

Ek is nie vir gereg in eie hande neem nie maar wow! Wat nou in die howe gebeur is net so boos, uitgerekte hofsake wat op die ou end die boosaards sommer vrylaat of sommer net op borgtog vrylaat. Geregtigheid het hier geskied. Hoe verskriklik om te weet jou oom kom haal jou net om koelbloedig en op so n wrede manier doodgemaak te word. Kan my nie indink die verskriklike vrees wat in daai arme kinders moes wees voor hul so wreed vermoor is nie

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.