Twee klagte laat vaar teen dokter wat glo aborsie afraai

Dr. Jacques de Vos (32).

ʼn Tugkomitee van die Raad op Gesondheidsberoepe (RGB) het beslis dat twee van die vier klagte teen dr. Jacques de Vos (32) laat vaar word.

De Vos, wat aangekla is van wangedrag nadat hy ʼn pasiënt glo geadviseer het dat haar ongebore baba ʼn mens is, was ʼn intern by 2 Militêre Hospitaal in Kaapstad toe die hospitaal hom geskors het weens dié beweerde opmerking. Hy is sedert Julie 2017 gevolglik verbied om te praktiseer.

Die komitee het Woensdag beslis dat klagte 3 en 4 ter syde gestel word en dat die verhoor net op klagte 1 en 2 sal voortgaan.

“Dit beteken die enigste klagte waarop De Vos nou teregstaan, is dat hy ʼn vrou probeer oortuig het om nie ʼn dokter toestemming te gee om haar gesonde 19 weke oue baba dood te maak nie,” het die organisasie Doctors for Life International, wat De Vos in sy saak bystaan, gesê.

Die militêre hospitaal het intussen ook afgesien van sy vroeëre besluit om nie De Vos se internskapdokumente af te teken nie. Die hospitaal het die hangende tugsaak teen De Vos as ʼn rede hiervoor voorgehou.

De Vos se mediese loopbaan is nou al bykans twee jaar lank in die weegskaal. Sy verhoor is al telkemale uitgestel of herskeduleer, terwyl die aanklagte teen hom ook al verskeie kere aangepas is.

Sy regspan het vroeër onder meer aangevoer die vertragings maak die verhoor onbillik en dat die aanklagte teen hom onwettig is.

Die saak teen De Vos word Maandag in Kaapstad hervat.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
DG

Ek hoop die vrou het toe die baba gehou, dan was sy opoffering nie verniet nie…. moontlik ‘n gesonde baba se lewe gered.

Karin

Stem 100% saam met dr. Jacques de Vos. Die ongebore “mensie” binne jou is nie ‘n gedierte nie. Nie ‘n klip nie en ook nie ‘n “wind” nie. Dis ‘n mens en hy het sy Christelike plig gedoen, want jy mag nie “doodmaak” nie (aborsie). Dis iets heeltemal anders as die kleintjie se hart nie klop nie. Finish en klaar !!! Ek regtig bid dat die Here sy Regter sal wees. Dis anyway vir my so belaglik….’n dokter is juis daar om raad te gee – mediese raad…..en swangerskap is ‘n mediese geval. Nee kyk….daai persoon wat dr. Jacques gaan… Lees meer »

Frank

Aborsie is moord, teen God se opdrag en on-Christelik. De Vos word vervolg deurdat hy getrou aan die Woord is… Gaan ál meer gebeur. Skatte in die hemel vir de Vos.

Jakkie

Alles goed en wel, maar die SAW het nie sy internskap afgeteken nie en hy kon aldus vir twee jaar nie as medikus praktiseer nie – wie gaan nou sy verlore inkomste aan hom vergoed.

Sunita

Ondersteun hierdie dokter 100%. Ek hoop en vertrou die sake sal almal ter syde gestel word. Wat n wonderlike dokter wat sy plig om lewens te red so ernstig op vat! Ander dokters kan by hom leer!