Twee leerders sterf ná tragiese ongeluk by skool

Argieffoto

Die LUR vir onderwys in Limpopo, Polly Boshielo, het haar medelye betuig nadat twee leerders in ʼn tragiese ongeluk by ʼn skool in Limpopo oorlede is.

ʼn Vragmotor wat voedselvoorraad afgelewer het, het Woensdagoggend teen ʼn muur by Laerskool Lekgolo in die oostelike gebied van Mopani in Limpopo vasgery. Die muur het klaarblyklik ineengestort en bo-op van die leerders geval. Twee leerders is gevolglik oorlede.

Volgens Sam Mokondo, woordvoerder van die departement van onderwys in Limpopo, is nóg twee leerders ernstig beseer en na die Kgapane-hospitaal digby Tzaneen gehaas.

Departementele beraders is na die skool ontbied om die nodige traumabehandeling aan leerders, onderwysers, personeel en familielede te bied.

Mokondo sê daar is nog geen verdere inligting oor die toestand van die beseerde leerders nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

20 Kommentare

Venetia ·

Die berig is deurmekaar. Die opskrif sê 2 leerders is dood en die berig sê die muur het op EEN geval wie gevolglik dood is ?? Die ander leerders is slegs ernstig beseer.

Megan Swart ·

Dagsê Venetia
Ons vra om verskoning. Die artikel is reeds gewysig.
Dankie! Groetnis
Megan
nms Maroela Media

Jo-Anne ·

“Die muur het klaarblyklik INEEN gestort en op VAN die leersers geval” jyt mis gelees…

Sandy ·

Dankie Megan, ek het ook net gedink ek is besig om kens te word ; – )

Sandy ·

Is ek nou mal? Ek lees van die twee leerders wat oorlede is, maar die begin van die berig praat van die muur wat bo-op een leerder geval het. Hoe dit ookal sy, my innige simpatie met die familielede wat hul kind verloor het. Uiters tragies dat die kinders nie eens meer in skole, waar ek as ouer altyd gedink het hulle is veilig terwyl ons by die werk is, veilig is nie. Ek praat nou van jare terug, want albei my seuns is al groot en werk al.

Megan Swart ·

Dagsê Sandy
Ons vra om verskoning vir die verwarring. Die artikel is gewysig.
Dankie! Groetnis
Megan
nms Maroela Media

Magda ·

Wat van die vrag motor bestuurder – wat het gebeur – Hoop die ouers en MRK en almal vd skool gaan ook nou optogte hou, want onskuldige kinders is dood – en die rede is???????
Wag om te hoor wat was die oorsaak vd ongeluk? Vragmotor bestuurder of die eienaar vd vragmotor???? Baie sterkte aan die Familie – dit is regtig so tragies. Niemand is nerens meer veilig nie.

Huh ·

Dit was duidelik ñ ongeluk! Dink jy die bestuurder het doelbewus teen ñ muur vas gery en probeer om mense te beseer/dood? Wat van die bestuurder? Dink bietjie in hoe moet hy voel! Sit jouself in sy skoene, of in sy geliefdes se skoene. Ń ongeluk gebeur so vinnig! Ek kan nie glo jy praat van optogtes nie! Dis een groot hartseer storie, so hou een groot begrafnis. Hoekom wil toi-toi en goed aan die brand steek? Vrek weet ek verstaan nie hoe redeneer mense nie…

Inge ·

Die EFF gaan seker teen die skool optree soos hulle met Parktown Boys doen.

Wenner ·

Ai dit laat my aan die Hoerskool Driehoek-geval dink!! Sterkte aan families!! So terloops, die kinders van Hoerskool Driehoek ook al amper n jaar, oorlede❤️❤️

Hartseer ·

Baie hartseer! En opregte sterkte aan die twee wat Kgapane hospitaal toe is, sterkte, baie sterkte!????

Henry ·

Lesufi jou skole het ontaard in slag velde vir ons kinders. Maak ‘n plan of vat die pad. Jou skole is glad nie kinder vriendelik nie. Dit help glad nie jy besoek die skole nie. Doen iets aan die veiligheid van ons kinders of kry die trek pas. Genoeg is genoeg met jou onvermoë.

Bella ·

Henry pragtige stelling! Maar soos ons weet – haas hom gou skool toe en dan…. dan….dan….tot die volgende insident dan haas hy gou weer skool toe en neem n foto….. hy doen seker iets reg want daar was nog geen insidente by sy 50 nuut geboude skole…..

Geskok ·

@ Henry. Lesufi het niks hiermee te doen nie.
Die insident was in Limpopo nie Gauteng nie

Bella ·

BAIE hartseer. Innige simpatie aan die Ouers en almal wat hierdie ongelooflike trauma moes beleef….

Lynette ·

@huh Hoe is dit DUIDELIK net ‘n ongeluk?? Magda is heeltemal jorrek om te eis dat ‘n ondersoek gedoen moet word….OF die vragmotor is onpadwaardig en het die remme bv. nie gewerk nie, OF die bestuurder kon dronk of moeg gewees het (weens druk om meer ure te ry) OF hy’t nie ‘n lisensie nie. Hoe ry mens net in ‘n skool se muur vas?? DUIDELIK is dit NIE ‘net n ongeluk wat o soooo vinnig kan gebeur’ nie (soos JY dit stel).

PJC ·

Die vraag is hoe bevoeg was die vragmotorbestuurder. Dit wat ek daagliks op die paaie sien skep die indruk dat ń baie groot persentasie van hierdie bestuurders totaal onbevoeg is.

A Mac ·

Nou waar is die minister van onderwys nou? Klim op sy perdjie en jaag na skole waar hy wye publisiteit kan kry maar die rural skole val deur die krake. Hoop die drywer van die afleweringsvoertuig word vasgevat. Of kan ons maar in hierdie geval aanneem dat kleur nie ‘n rol speel nie?

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.