Twee maande ná parool moor hy glo weer

Foto: SAPD/Facebook

ʼn Man wat twee maande terug op parool vrygelaat is nadat hy tronkstraf vir moord uitgedien het, is weer in verband met ʼn moord in hegtenis geneem.

Die 38-jarige man is in Jeppestown in Johannesburg in hegtenis geneem, het kapt. Nqobile Gwala, woordvoerder van die polisie, gesê.

“Die verdagte het glo op 13 Mei sy vriendin Gugu Mdletshe erg aangerand waarna sy na ʼn hospitaal geneem is en aan haar beserings beswyk het.” Die voorval het in KwaMakhuta naby Amanzimtoti in KwaZulu-Natal plaasgevind.

“Die verdagte het gevlug en ʼn deeglike ondersoek het tot sy inhegtenisneming gelei.” Die verdagte is intussen terug na KwaZulu-Natal geneem waar hy Maandag in die Nsimbini-landdroshof sal verskyn op aanklag van moord.

Volgens Gwala is die verdagte twee maande gelede op parool vrygelaat nadat hy in April 2013 tot 11 jaar tronkstraf gevonnis is vir moord. Hy het in Junie 2012 sy destydse vriendin Nomfundo Mthembu erg aangerand waarna sy oorlede is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
Chris Ws

ons regstelsel is sieklik.Hoe kan so iemand op parool vrygelaat word?Die gespuis wat hom op parool laat vryloop het is nou ook aandadig aan sy daad.

Ian

Hoe kry enige persoon dit reg om net 11 jaar vir ‘n moord te kry en dan is jy 6 jaar later weer uit om dieselfde oortreding te pleeg. Veels geluk aan al die itdiote wat deel was van die strafproses asook die vrylating. Julle verdien almal die doodstraf!!!

Netso

Die doel van ñ tronk is om die gemors uit die samelewing te kry nie. SA…… werk niks nie, punt!

p

Die duiwel probeer alles, maar Jesus gaan die GROOToordeel vel, ek bid God dat my gesin dit sal vryspring.

Saint

Gewoonte misdadiger ?
Sosiopaat?
Moet in toekoms noukeuriger kyk na vonnis.