Lammie, die Johannesburgse Dieretuin se olifantkoei, in gelukkiger tye. Foto: Youtube.com
Die Johannesburgse dieretuin het nog twee olifante bygekry as metgeselle vir hul bekende grootvoet, Lammie, maar die Nasionale Dierebeskermingsvereniging (NDBV) is “absoluut platgeslaan” oor die nuus.
Die dieretuin was Donderdag “in ekstase” met die toevoeging van ʼn 22-jarige olifantbul, Ramadiba, en ʼn 19-jarige olifantkoei, Mopani, as nuwe maats vir sy bekende olifantkoei, Lammie (39). Die nuwe olifante sal op 12 Augustus, Wêreldolifantdag, aan die publiek bekend gestel word. Dit is ook die dag dat Lammie haar 40ste verjaardag vier.
Die NDBV is egter glad nie gelukkig met die twee olifante se koms nie. Die organisasie is ongelukkig dat nog twee olifante nou in aanhouding is aangesien dit volgens hom sleg is vir enige olifant se welstand. Volgens die NDBV raadpleeg hy tans sy regspan oor die moontlike lot van die twee olifante.
Die koms van die nuwe olifante is voorafgegaan deur maande lange ongelukkigheid oor die welstand van Lammie wat in ʼn roufase was ná die dood van haar maat. Dit is gevolg deur betogings voor die dieretuin en eise dat Lammie in die natuur hervestig word. Die dieretuin het egter volgehou dat dit in Lammie se beste belang is om by hulle te bly.
Jenny Moodley, woordvoerder van die Stad Johannesburg se parkeafdeling en die dieretuin, het gesê daar is ʼn uitgerekte proses gevolg om wettige permitte vir Ramadiba en Mopani te kry.
Volgens die dieretuin sal die kwessie van ruimte om rond te beweeg altyd omstrede wees, maar dit is nie die enigste kritieke faktor nie. Die onverbiddelike bedreiging deur stropers, ʼn verlies aan weiding weens toenemende verstedeliking, ongunstige weerstoestande en die onvermoë van olifante wat in aanhouding gebore is om in die natuur vrygelaat te word en aan te pas, is volgens die dieretuin tans ʼn werklikheid.
Die NDBV is egter boos dat hy “in die donker gehou” is rakende die koms van die olifante nadat daar vooraf navrae by die toepaslike agentskappe hieroor gedoen is. Volgens die NDBV het hy op 12 Junie verneem die dieretuin het om permitte vir die olifante aansoek gedoen en is die volgende oggend ingelig die olifante is reeds by die dieretuin. Die NDBV het die dieretuin daarvan beskuldig dat hy die olifante van ʼn goeie lewe ontneem.
Lammie is in die Johannesburgse dieretuin gebore en haar ma en pa, Dolly en Jumbo, is in die 1970’s in dieselfde dieretuin aangehou. Hulle is later ʼn jaar ná mekaar dood. Lammie se broer, wat ook in die dieretuin gebore is, is kort nadat hy aan ʼn Franse dieretuin verkoop is, dood.
Ag ek is so bly Lammie het maaitjies gekry!
Ons het verlede maand Johannesburg Dieretuin besoek. Ons het verskriklik baie rotte in die ape, uile en in die tuine gesien hardloop. Was nogal iets om oor te gril.
Ek is baie bly vir Lammie. Sy het ‘n maatjie nodig.
Die “platgeslane” histeriese reaksie vd DBV toon hoekom hulle juis nie in die eerste plek om kommentaar gevra is nie.
Hulle het geen sê in die saak nie; hulle is nie die owerheid nie.
Kategoriese teenstand teen wettige aanhouding maak juis dat ons vlg keer wanneer hulle wel ‘n punt het, nie luister nie. Amper soos die seuntjie wat wolf-wolf geskree het.
Die ndbv moet eerder hulle aandag vestig op die ministers se vee.
Slaat jy nou die spyker op sy kop. En by township-diere. Kyk na die Richie berig.
Dis baie hartseer nuus!!!! Nog 2 onskuldige diere wat nou in aanhouding moet lewe, hulle moet in die natuur wees, waar hulle vir kilometres en kilometres kan loop.. blare van bome kan afeet, in damme en water poele kan speel en baljaar! Watse lewe is dit vir ‘n olifant om in soooo verpiepte klein plek opgesluit te wees!!! Dis baie unfair!!!!
Lammie sal buitendien nie oorleef in di wildtuin ni. Sy gaan ook mense mis. Ds al wat sy ken. Wat sal ń toeris doen as sy reguit na sy kar toe aangehardloop kom? Seker doodskrik en wegjaag. Sy sal dt mos nou ni verstaan ni. Ai tog
Ek stem dit voel en lyk nie reg nie. Groot iere in klein plekkie aangehou.
Hierdie 2 gaan nie vir hulle tande geskiet word nie en deur baie mense waardeer word.
Niks is soos dit moes wees nie.
Voëlsword in koutjies aangehou
Wildsplase het ook heinings wat diere inperk
Mense bly ook in piepklein woonstelletjies hoog in die lug. Kry ook daardie kinderthies jammer wat geen speelplekkie het nie.
Ons wat op plase bly het ruimte, maar geen vryheid. Teen donker is jy binne agter slot en grendel. Sosiale lewe minimaal want jy kan nie gaan kuier.
Wat is die ergste.
Olifante of mense in aanhouding?
Enige dien in aanhouding vir die mens se plesier is erg. Baie jare gelede was die kampe baie meer natuurlik en die dieretuin en fasaliteite was skoon. Nou is die kampe kleiner en meer heinings om die onopgevoedes aan die ander kant te beheer. Die tuine is bestrooi met rommel en toilette smerig. Dieretuine, sirkusse en alle instansies waar diere so misbruik word, moet verdwyn.
Johannesburg Dieretuin in groot gemors
Ek is bly Lammie het maatjies, maar geen wilde dier behoort in ‘n hok nie. Ek verstaan nie waarom mense nog dieretuine ondersteun nie. Hierdie arme diere verdien beter. Mense is idiots.
Stem saam, Katerina. Geen wilde dier verdien dit om in klein kampies en hokke aangehou te word nie. En dit om mense te vermaak en geld uit dit wat aangehou word te maak en soos ek uit van die kommentare lees in vuil besmette omgewing. En ja, geen voe”l wat vlerke het om mee te vlieg behoort in aanhouding nie. Ek weier om dieretuine en sirkusse te ondersteun. Ek glo nie die mense in beheer van hierdie plekke van aanhouding doen hierdie tipe goed omdat daar enige liefde vir diere is nie, gaan alles net oor die geld wat daaruit gemaak word. Hoop die NDBV vat hulle aan en doen die regte ding, laat hulle vry.
NDBV hou op huil oor dit so lank hulle kos en water kry en nie mishandel word nie waar oor huil julle dan daar die diere kan nie vry gelaat word nie hulle sal vrek van die honger wand hulle is gewoond die mens bring hulle kos en daar is baie kinders wat nog nooit daar die diere gesien het nie en die jhb dieretuin is al plek wat hulle dit gaan sien
Ek dink die DBV het beslis ‘n punt. Diere moet vry wees en hoort nie in hokke nie. Mense wat bo in woonstelle woon kan nog weg gaan en hul kinders in ‘ n park laat speel ! Skaf dieretuine af !
Hulle is veiliger in die dieretuin. Gaan lees bietjie hoeveel olifante word afgemaai in die natuur deur mense
Die NDBV matig hulle darem deesdae hulle self baie aan. Moet alles wat met diere te make het nou eers hulle goed keuring kry.
Eersdaags sal die arme boere nie eens hulle koeie kan melk as die NDBV ja se nie.
Die wat so hartseer is, hier het hulle nov n kans op oorlewing. Die liberaliste en anc gaan nog die oorsaak wees dat die dieretuin al plek is waar jy nog olifante te sien sal kry. Wees dankbaar hukke kan nie gejag word nie