Argieffoto
Twee mans is dood nadat hulle Maandagaand glo aangerand en aan die brand gesteek is in Pietermaritzburg, KwaZulu-Natal.
Russel Meiring, woordvoerder van ER24, het gesê paramedici het met hul aankoms op die toneel in Bob Matersonweg die smeulende oorskot van een van die mans in die middel van die pad gevind. “Die tweede man se oorskot is sowat 100 m verder in ʼn veld gevind.”
Volgens Meiring was albei mans reeds dood voor paramedici by die toneel opgedaag het. Die slagoffers het ook verskeie beenbreuke en steekwonde opgedoen.
Die voorval word ondersoek.
