Twee mans kort ná begrafnis doodgeskiet

Argieffoto: Kent Williamson

Die polisie in Ipelegeng in Schweizer-Reneke, Noordwes, het ʼn 42-jarige man in hegtenis geneem nadat hy glo twee mans doodgeskiet het.

Lt.kol. Amanda Funani, woordvoerder van die polisie, het gesê die inhegtenisneming volg ná die verdagte glo Saterdag die mans, onderskeidelik 23 en 30 jaar oud, geskiet het.

“Volgens die inligting wat ons in dié stadium het, het die slagoffers, glo lede van die SVK-bende, ʼn begrafnis van ʼn lid van hul bende bygewoon waarna hulle omstreeks 10:20 na uitbreiding ses van die informele nedersetting gegaan het,” het Funani gesê.

Volgens Funani is dit nie duidelik waarom die twee mans na die verdagte se plakkershut gegaan het nie.

“Daar het glo ʼn rusie ontstaan. Die verdagte het ʼn vuurwapen uitgeruk en die twee geskiet. Hulle is op die toneel dood.”

Ná die skietery het woedende gemeenskapslede die verdagte gejaag. Hy het volgens Funani na die polisiestasie gehardloop. Hy is in hegtenis geneem en aangekla van twee pogings tot moord.

Hy sal Maandag in die Schweizer-Reneke-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

5 Kommentare

Adam ·

Die slagoffers is dood. Die klagte: “pogings tot moord”. Ek verstaan nou hoekom Trump die term “fopnuus” gebruik..

Koos B ·

Onthou die is Afrika hulle is doodgeskiet maar miskien lewe hul nog !!!
Lees more weer miskien word dit dan ‘n klag van moord.

Koos B "fan" ·

Koos B, jou antwoord het my blou Maandag sommer stukke verbeter. So tussen al die slegte nuus, is dit goed om ‘n verfrissende antwoord te lees.

t ·

Soos jy sê Koos B, westerse biologie en fisika reëls geld nie in Afrika nie. ‘n Goeie spuit Terramycin behoort hulle dalk nog deur te trek…

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.