Die Gamsberg-sinkmyn (Foto: Vedanta Zinc International)
Daar word onverpoos na twee mynwerkers gesoek ná ’n voorval Dinsdag in die vroeë oggendure by die Gamsberg-sinkmyn in die Noord-Kaap. Agt mynwerkers is reeds na veiligheid gebring.
Black Mountain Mining, ’n filiaal van Vedanta Zinc International, het bevestig dat ’n “geotegniese fout” omstreeks 01:15 by die westelike gedeelte van die suidelike skag van die Gamsberg-sinkmyn aangemeld is.
Tien mynwerkers was aanvanklik vasgekeer van wie agt reeds veilig uit die skag gebring is.
Alle mynverwante aktiwiteite is intussen by die myn gestaak en pogings om die oorblywende twee mynwerkers op te spoor en te red, word tans in alle erns voortgesit.
Die departement van minerale hulpbronne en energie is reeds van die voorval ingelig en het inspekteurs na die myn gestuur.
@Tania- Waarna soek hierdie 2 mynwerkers?
Liewe heksie?
Ek was in ‘n soortgelyke voorval jare gelede. Vier dae later was ons gered. Die uitgemesselde stasie het ons beskerm.
Dit was in ‘n goudmyn in Carletonville. Die middelpunt was in die Vrystaatse goudvelde.