Twee ondervra ná man langs voertuig geskiet word

(Foto: ER24)

Twee verdagtes is vir ondervraging ingeneem nadat ʼn motoris Maandag verskeie kere tydens ʼn gepoogde kaping in De Deur, noord van Vereeniging, geskiet is.

Kapt. Aubrey Moopeloa, woordvoerder van die polisie, sê die twee verdagtes word tans deur die polisie ondervra, maar is nog nie amptelik in hegtenis geneem of aangekla nie.

Die voorval het gister vroegmiddag plaasgevind toe drie verdagtes ʼn 47-jarige motoris by die aansluiting van Middle- en Treeweg in De Deur genader het. Volgens Moopeloa het die verdagtes ʼn vuurwapen op die bestuurder gerig en hom opdrag gegee om uit die voertuig te klim.

“Volgens die polisie se inligting het die bestuurder uitgeklim, maar in die proses die motorsleutels onder die bestuurdersitplek ingegooi. Hy het toe probeer weghardloop.

“Die verdagtes het gesien die sleutels is nie in die aansitter nie en het op die motoris geskiet. Hy is in die maag en been gewond,” het Moopeloa gesê.

(Foto: ER24)

Russel Meiring, woordvoerder van ER24, sê paramedici is omstreeks 13:15 na die toneel ontbied. Daar het hulle die man aangetref waar hy aan die kant van die pad langs sy voertuig gelê het.

“Hy het verskeie skietwonde opgedoen en was in ʼn kritieke toestand. Die man is op die toneel gestabiliseer voor hy per helikopter na ʼn private hospitaal gevlieg is,” het Meiring gesê.

Moopeloa sê daar word vermoed die verdagtes het te voet gevlug toe hulle besef die sleutels is nie in die aansitter nie en hulle gaan nie daarin slaag om die voertuig te kaap nie.

Sake van poging tot moord en poging tot kaping is by die polisie geopen.

Volgens Moopeloa loop die De Deur‑, Sedibeng‑ en Evaton-gebied die afgelope tyd erg deur onder voertuigkapings. Die polisie sal tydens hul ondervraging van die twee verdagtes vasstel of hulle met enige van dié voorvalle in die omgewing verbind kan word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Dolan

Ek dink die tyd het angebreek dat ons meer inligting kry soos bv. die ras van die anvallers en die van die slagoffers.

marous

Nou waarom plak die polisie nie daar nie ?

anton

Dolan…….Sterkte met daai een!
Nie in die land sal jy ooit daai inligting op n nuusblad kry nie en die vader weet alleen hoekom nie!!! Oorsee is dit normaal ma hier? Aikona.
Ek het al baie gevra dat die volle inligting bekend gemaak word maar ek mors my tyd en krag.

JohanL

Dolan, ek kan nou al s^e die aanvallers was swart – en ek is nie rassisties nie, want meeste kriminele is swart (kyk na gevangenisdiens se statistieke oor tronke). So op dieselfde trant as wat Malema nou reken hy is nie rassisties nie, is ek ook nie rassisties nie. Die slagoffer kan ek my nie oor uitlaat nie.

Judge Dredd

@ Net Ekke – God het ook alle diere geskape – en ek jag en eet diere.