Twee pleit ná DOV-inbraak

Die kantore van die direkteur van openbare vervolging vir Gauteng-Noord in Pretoria. Foto: Google Streetview

Twee mans wat daarvan beskuldig word dat hulle by die direkteur van openbare vervolging (DOV) se kantoor in Pretoria ingebreek het, het Donderdag weer in die stad se landdroshof verskyn.

Moses Mtakiso (39) en Moses Magolego (40), albei van Winterveldt noord van Pretoria, het albei skuld beken op al die aanklagte teen hulle.

Volgens die klagstaat staan Mtakiso tereg op agt aanklagte van inbraak asook sakeroof. Hy staan ook tereg op ʼn aanklag van ontsnapping uit wettige aanhouding.

Magolego staan tereg op een aanklag van diefstal asook huisbraak met opset om te steel.

Die saak is tot 26 Oktober uitgestel vir nadere ondersoek.

Die twee het na bewering op 20 Julie in die kantoor van Joyce Ntulie, ʼn DOV-beampte, ingebreek en ʼn skootrekenaar en ʼn geheuestokkie gesteel.

Die voorval het sowat ’n week later plaasgevind nadat daar by die Valke se kantoor in Pretoria ingebreek en sewe rekenaars gesteel is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Pieter Ellis ·

Beide het skuld beken op al die aanklagte? Wel, dit dui net op een ding – hulle vat dit vir die span wat nie gevang is nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.