Twee polisiebeamptes verbonde aan die Cato Manor-speurtak in KwaZulu-Natal is Dinsdagoggend vroeg dood toe hulle in ʼn botsing met ʼn vragmotor betrokke was.
Garrith Jamieson, woordvoerder van Advanced Life Support, sê paramedici en ander nooddienswerkers is omstreeks 05:30 na die toneel by die N2-afrit op die M7 in ʼn westelike rigting ontbied.
“Paramedici is met hul aankoms daar deur ʼn absolute chaos begroet,” het Jamieson gesê.
Die vragmotor het eers ʼn hele ent verder van waar dit met die polisiebeamptes se voertuig gebots het, op die M7 in die rigting van Durban tot stilstand gekom.
Volgens Jamieson is die beamptes, ʼn man en ʼn vrou, noodlottig beseer. Hulle is op die toneel reeds dood verklaar.
Die vragmotorbestuurder is na ʼn hospitaal vir verdere behandeling geneem.
Kol. Thembeka Mbele, polisiewoordvoerder in KwaZulu-Natal, het gesê ʼn saak van strafbare manslag word ondersoek.
Mbele sê die vragmotorbestuurder het na bewering versuim om by ʼn verkeerslig stil te hou.
“Albei polisiebeamptes, onderskeidelik 37 en 40 jaar oud, het op die toneel gesterf. Die omstandighede rakende die voorval word ondersoek.”
Waarom is hy nie toegesluit?
O -Ja. Die polisie pas mos die strande op….
Tragies, werklik tragies.
Verwyder dié vragmotors van ons paaie af én dié gewetenlose bestuurders. Ek ken dié pad. Ervaar self hoe jaag hul af Durban toe met geen remme. Sit die goedere op die treine waar dit hoort.
Juffrou daar is nie meer infrastruktuur vir spoorvervoer nie. Dit gaan die belastingbetaler miljarde kos om dit weer in werkende toestand te kry. So ongelukkig is trokke hier om te bly. Die probleme wat daar voorkom met trokke soos onpadvaardigheid, roekelose bestuurders ens MOET aangespreek, teen opgetree en uitgesorteer word. Weet net nie wie gaan dit doen in die korrupte land van ons nie.
Dit is tragies, maar versuim hulle maar nie almal om by verkeersligte of stop tekens stil te hou nie.
Ek het onlangs tussen Pretoria en die Kaap gereis en sommige vragmotor bestuurders het vir niemand ontsag nie
1990 het 90% van SA se goedere nog met trein beweeg. En toe kom die ANC, Transnet en Prasa! Vandag loop daar amper nie meer goedere treine nie, en stasies is gevalle en oortrek met onkruid seker maar soos die res van SA…..Viva ANC Viva!
Dit is hoogtyd dat daar iets gedoen word met Vragmotorbestuurders. Ek het al vroeg oggend gery en by Van Reenen, waar hulle in een baan moet ry af na die Kwazulu toe, kom hulle twee twee langs mekaar met nog twee, en nog twee, agter hulle af gejaag deur daardie pas…. ‘n mens se are stol as jy dink een verkeerde beweging en jy is saam hulle weg. Hulle jaag, veral deur die Vrystaat, swaai voor jou in na willekeur en so boender hulle voort om vir hulle base meer geld te maak en meer kommissie te verdien….
Vragmotorbestuurders….. elke keer as daar amper met iemand selfs hier in die dorp gebeur, dan is dit agv ‘n vragmotorbestuurder…..regtig, besighede maak asb seker dat jul bevoegde mense aanstel!!