Renosters op die wildsplaas naby Jeffreysbaai. Foto: SAPD
Twee renosters is Woensdag in die vroeë oggendure deur stropers op ʼn wildsplaas naby Jeffreysbaai in die Oos-Kaap doodgemaak.
Kapt. Gerda Swart, woordvoerder van die polisie, het gesê die renosters se karkasse is vroeg Woensdagoggend gevind. Hul horings is verwyder. Volgens Swart is ʼn derde renosterkoei gewond en word sy tans deur ʼn veearts behandel.
Swart het gesê die polisie volg alle moontlik leidrade op, maar niemand is nog in hegtenis geneem nie.
Edna Molewa, minister van omgewingsake, het verlede maand gesê altesaam 529 renosters is tussen Januarie en Junie vanjaar gestroop. ʼn Totaal van 243 van hierdie renosters is in die Krugerwildtuin gestroop.
