Twee sakemanne dood ná rowers losbrand

Brett Pope. Foto: Facebook.

Die twee mans wat Woensdag tydens ʼn gewapende rooftog in Oos-Londen doodgeskiet is, is geïdentifiseer.

Ao. Hazel Mqala, woordvoerder van die polisie, het die slagoffers as Brett Pope en Kobus Fourie geïdentifiseer.

Pope was die eienaar van Sanans Supermark in Cambridge in Oos-Londen.

Maroela Media het vroeër berig die voorval het omstreeks 08:00 op die hoek van Mdantsane- en Robbie de Langeweg plaasgevind.

Volgens Mqala het twee gewapende aanvallers agter op ʼn afleweringsvoertuig gespring toe die voertuig by ʼn verkeerslig stilgehou het.

Hulle het die insittendes gedreig en op kontant aangedring. Hulle het hierna skote deur die voertuig se venster afgevuur.

Pope is glo in die kop en bolyf getref. Volgens Mqala was daar ʼn passasier saam met Pope in die voertuig wat skraapwonde opgedoen het as gevolg van die feit dat die aanvallers deur die venster op hulle geskiet het.

“Pope het ʼn ent verder gery tot waar hy nie verder kon nie en beheer oor die voertuig verloor. Gemeenskapslede het vinnig gereageer en die blitspatrollie in kennis gestel. Hulle het ʼn ambulans ontbied, maar Pope is op die toneel dood verklaar.”

Die aanvallers het glo ná die voertuig tot stilstand gekom het kontant gesteel en van die toneel gevlug.

Mqala het gesê Fourie is sowat 500 m weg van die vragmotor binne-in sy bakkie doodgeskiet. Volgens Mqala het hy ook beheer oor sy voertuig verloor en teen ʼn ander voertuig gebots.

“Die polisie weet nog nie presies wat daar gebeur het nie; ons ondersoek of die verdagtes net eenvoudig losgebrand het en hy [Fourie] getref is en of hy dalk probeer help het en toe geskiet is,” het Mqala gesê.

Fourie was glo die bestuurder van Prism Products. Die polisie ondersoek twee sake van moord en ʼn saak van gewapende roof. Niemand is nog in verband met die voorval in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
LL

Moor maar, moet net nie die K woord gebruik nie. Mos maar net nog witmense wat vermoor is. CR is seker trots.

Agnee

Die polisie mag dalk nie weet wat daar gebeur het nie maar ONS weet . inside job. Hoe het hulle geweet daar is geld op die afleweringsvoertuig en VREEMd dat die passasier niks oorgekom het nie . hel iemand moet dink ons is BAIE ONNOSEL. My innige simpatie aan die oorledenes se families.

Tik tok tik tok

EK is naar Ek is nie meer bestand teen die geweld nie EK dink aan selfmoord sodat my kinder kan erf en uit die land kan padgee Ek glo God sal my vergewe as ek op daai punt kom Ek weet almal gaan nou sê ek moet bid en ja ek bid en elke dag is my kinders kleinkinder en skoon kinders veilig maar tot wanneer Ek hys nou die wit vlag Want die Here alleen weet hkm die duiwel so los is in die land RIV Menere ?

liz

As jy wit is beteken jou lewe ‘n ronde nul.

Johannes

TYD OM ONS EIE VOLKSTAAT TE EIS!

TYD OM DIE BOERE REPUBLIEKE TERUG TE VAT!