Twee SAL-lede glo met dwelms betrap in Hongkong

Argieffoto

Twee lede van SAL se kajuitbemanning is verlede week deur doeanebeamptes in Hongkong in hegtenis geneem weens beweerde dwelmhandel.

Die Suid-Afrikaanse Lugdiens (SAL) het die voorval Donderdag bevestig en gesê die twee vlugbeamptes is op 23 en 24 September onderskeidelik in hegtenis geneem vir ondervraging. Die twee was op twee afsonderlike vlugte wat op 22 en 24 September geland het.

“Omdat die voorval deel is van ʼn deurlopende strafregtelike ondersoek en tans voor die hof dien, sal ons geen uitgebreide kommentaar lewer totdat die saak gefinaliseer is nie,” sê Tlali Tlali, woordvoerder van die SAL.

Hy sê die SAL het die naasbestaandes van die betrokke werknemers, asook die Suid-Afrikaanse konsulaat-generaal in Hongkong in kennis gestel van die saak. “Ons is ook in die proses om regsverteenwoordiging vir die twee werknemers te bekom.”

Volgens Tlali sal die lugdiens se optrede teen die werknemers afhang van SAL se interne beleid en ook die uitkoms van die hofsake teen hulle. “Die lugdiens bly onverdraagsaam teenoor enige strafregtelike aktiwiteite deur sy werknemers,” sê Tlali.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

39 Kommentare

jongste oudste gewildste
emily

Maak n voorbeeld van hulle.

James

Almal korrup van regerings instansies

Gerhard

Hoop die gemors sit lewenslank.

LK

This is the real South Africa, dear Hong Kong!

Sandra

Hulle gaan daar sit, dis vir seker!