Twee mans is Dinsdag in die Johannesburgse hooggeregshofsitting in Palm Ridge skuldig bevind aan die moord, verkragting en roof van Tracey-Lee Martins.
Kyle Fredericks en Shinawaaz Ahmento, albei 21 jaar oud, gaan na verwagting Woensdag deur regter Louis Vorster gevonnis word, berig The Star.
Die skuldiges het verlede jaar in Martins se huis in Klipspruit-Wes ingebreek om haar te beroof om geld vir dwelms te kry. Ahmento het Martins verkrag terwyl sy in haar bed was. Volgens die koerant het hy gereeld Martins se huis besoek. Fredericks het Martins met kouse verwurg en dit na die tyd in ʼn drein gegooi.
Martins se driejarige seun en 74-jarige ma was tydens die voorval in die huis. Ahmento het die bejaarde gewurg, maar sy het die aanval oorleef. Sy is ook beroof voor die twee uit die huis gevlug het. – SAPA
Lewenslange tronkstraf ? Dis hopeloos te kort.