Twee mense is dood en agt is beseer nadat ʼn minbustaxi en ʼn vragmotor Sondagaand op die N3-snelweg naby Estcourt in KwaZulu-Natal gebots het.
Robert McKenzie, ʼn woordvoerder van die provinsie se nooddienste, het Maandag gesê die ongeluk het omstreeks 20:00 naby die Giant’s Castle-afrit plaasgevind.
“Die oorsaak van die ongeluk word nog ondersoek. Die beseerde pasiënte is op die toneel gestabiliseer en na die Estcourt-hospitaal geneem vir verdere behandeling.” – SAPA