Twee sterf in Centurion-botsing

Een van die motors se wrakke. Foto: ER24

Een van die motors se wrakke. Foto: ER24

Twee mense is dood en vier beseer toe twee motors Sondagaand op die N14-snelweg in Centurion gebots het.

Russel Meiring, woordvoerder van ER24, het gesê die ongeluk het naby die R55-afrit plaasgevind.

“Albei motors het drie insittendes gehad. Twee mans, een van elke motor, was reeds dood toe paramedici by die toneel opgedaag het,” het Meiring gesê.

Twee mense is kritiek beseer en met ʼn private helikopter na ʼn nabygeleë hospitaal geneem. “Die ander twee mense is op die toneel gestabiliseer en met ambulanse na ʼn hospitaal geneem.”

Die oorsaak van die ongeluk is onbekend en word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Vra maar net

Hul maak nie melding of dit ‘n kop aan kop bossing was nie. Watter rol het verdonings middels in die ongeluk gespeel?

MM

SPOED SPOED SPOED!!!!!!!! Ek ry die N14 elke dag van Pta na Roodepoort en die spoed wat die BMW VW en Merc’s brigade ry is net iets verskrikliks.
Ek het vanoggend gesien daai einste voertuig le nog doer in die bosse. ER24 se personeel het ook sommer hulle goed wat gebruik so langs die pad gelos.

Ruan

Is al die berigte oor motorbotsings nuuswaardig? Vra maar net … en ek weet ek hoef dit nie te lees nie dankie.

Jo-anli

Die spoedbeneukte bestuurders,dis kommerwekkend rillend en klomp ongeskikte bestuurders. Ry of pad aan hulle behoort. Nee ry jy 120 km sone dan druk hoeter vir jou flikkerende ligte want hulle mort mos vinniger ry. Ai mense se lewe is op die spel. Ag asb ander se lewe ook waardevol. Dankie

Chris W

Ek se al lankal daar is ‘n baie groot geleentheid vir werk skepping as daar 10 maal meer spoedstrikke op ons paaie kom.Ja ek weet die mense met duur Duitse motors en ander koop die verkeersmanne om maar hulle sal gou agterkom dit kos hulle nou ‘n arm en ‘n been om almal om te koop elke keer as hulle op ‘n pad ry en buitendien moet hy stilhou en verloor net meer tyd teenoor as hy by die spoed perk hou bly hy ry en kom op die ou end vinniger by sy bestemming.Maar ja ek wens droom!