Twee sterf in nóg ʼn skietgeveg

Die toneel na die skietery in Lombardy-Oos. Foto: Twitter via @Abramjee

Op dieselfde dag dat ʼn skietgeveg tussen vermeende transitorowers en polisiebeamptes in Lombardy-Oos in Johannesburg uitgebreek het, is twee verdagtes tydens nog ʼn skietgeveg in Midrand deur polisiebeamptes doodgeskiet.

Kol. Lungelo Dlamini, woordvoerder van die polisie, sê dié twee verdagtes, asook ʼn derde verdagte wat in hegtenis geneem is, kan vermoedelik verbind word met verskeie ernstige geweldsmisdade in die stad se noordelike voorstede.

Volgens Dlamini het ʼn span speurders Vrydag ʼn verdagte voertuig in Kyalami opgemerk en die voertuig probeer voorkeer. Die bestuurder het egter weggejaag en die beamptes het die voertuig agternagesit.

“’n Hoëspoed-jaagtog en skietgeveg het gevolg totdat die verdagtes se voertuig teen die valhek van ʼn woonkompleks gebots het. Twee verdagtes is tydens die skietgeveg noodlottig gewond, terwyl die derde op die toneel in hegtenis geneem is. Daar is ook beslag gelê op twee ongelisensieerde vuurwapens en die voertuig wat vermoedelik gesteel is.”

Kontant waarop beslag gelê is op die toneel na die skietery in Lombardy-Oos. Foto: Twitter via @Abramjee

Dlamini sê die polisiebeamptes het ongedeerd van die skietgeveg afgekom.

Die verdagte sal Maandag in die Alexandra-landdroshof verskyn op aanklagte van onwettige besit van vuurwapens en ammunisie en besit van ʼn vermoedelik gesteelde voertuig.

Twee geregtelike doodsondersoeke word gedoen.

Maroela Media het vroeër berig ʼn skietgeveg het Vrydagoggend tussen polisiebeamptes en vermeende transitorowers in Lombardy-Oos uitgebreek. Twee mense het in die spervuur beland, ʼn veiligheidsbeampte en ʼn vrou wat slegs ʼn omstander op die toneel was. Albei is na ʼn hospitaal gehaas. Sewe verdagtes is in hegtenis geneem en daar is op verskeie vuurwapens beslag gelê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

21 Kommentare

Juane Viviers ·

Hulle gaan seker elkeen op R50 borgtog vrygelaat word as jy slegs R1000 hoef te betaal vir moord.

Eish ·

Moet julle altyd so negatief wees?
Dankie SAPS dat julle die skelms vang!

Jef ·

Is die geld dan nie in beslag geneem nie en word dus nie daarvoor aangekla nie
Ek mis seker iets

Foxi ·

Hoeveel geld is in die agtersak gedruk voor die nuus versprei is? Sal nooit weet nie nê.

PJC ·

Ek wonder maar net wie se koeëls het die omstanders getref. Hoekom is daar altyd omstanders en hoekom gee hulle nie pad nie. Die veiligheidswag is die enigste ou wat ń rede gehad het om daar te wees. Anders omstanders moet mos onmiddellik padgee of dan ten minste plat val of skuiling soek of is hulle dalk nuuskierig.

Nico ·

As ek daai sak geld so kyk, dan is al die papier wat ek mors om kliënte te FICA ‘n reuse klug…..

Frikkie Geld en huis ·

My werkers bly almal in adreslose “shacks”, maar almal het selfone en bankrekenings. Ek glo ook jou FICA is ‘n reuse klug.

SjN ·

Nico, ek moes weer my akkreditasie aflê tov fica,fais, pocca, reëls en boetes ens, volgens wet hoort klomp regerings mense reeds in die tronk, klomp, geldwassery is aan die orde van die dag

Gert van Wierdapark ·

As ek na die pakke note kyk is dit beslis nie kleingeld nie. Miskien moet Maroela die bedrag uitvind en bekend maak!

Marinda ·

Great news. That money is very neatly stacked, as if it came directly from the bank.

Asmain ·

Is dit al aanklagtes? Wat van poging tot moord (daar is op polisie en omstanders geskiet, die bedoeling was sekerlik nie net om te waarsku nie),?

jakes ·

Mooi SAP, skiet hulle maar moenie wond nie. Waar is die ander geld wat in die sak was?

Anoniem ·

Lekker, lekker nou werk DIE SAPS lede kliphard, ons, die belastingbetalers HOU van wat ons LEES Doen asb. so voort ???

Schalk ·

Wonder watter ras is dit .Mag seker ook nie vra nie want minister druk mos drukpers en kameras toe..

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.