Werner Vermaak, woordvoerder van ER24, het gesê paramedici is kort voor middernag na die toneel sowat 18 km buite Potchefstroom ontbied.
Twee mans, die bestuurder van en passasier in een van die motors, is op die toneel dood verklaar.
Die vyf mans in die ander motor is matig tot ernstig beseer. Hulle is op die toneel behandel voordat hulle na die Potchefstroomse provinsiale hospitaal geneem is vir verdere behandeling.
Die presiese oorsaak van die ongeluk word ondersoek.