Twee sterf in seiljagongeluk

Twee mense is Maandag dood nadat ʼn seiljag naby Bokpunt aan die Weskus gestrand het.

Craig Lambinon, woordvoerder van die nasionale seereddingsinstituut (NSRI), het aan Maroela Media bevestig dat ʼn man en vrou in die voorval dood is. ʼn Derde passasier het glo die ongeluk oorleef.

Volgens Lambinon was noodpersoneel teen 10:30 steeds besig op die toneel. Dit is nie duidelik wat die ongeluk veroorsaak het nie en geen verdere besonderhede is in hierdie stadium bekend nie.

Maroela Media wag op kommentaar van die polisie.