Twee sterf in vliegtuigongeluk by Lanseria

Vliegtuigongeluk ongeveer 10 km buite Lanseria op 7 Maart 2016 (Foto: @EMER_G_MED, Twitter)

Vliegtuigongeluk ongeveer 10 km buite Lanseria op 7 Maart 2016 (Foto: @EMER_G_MED, Twitter)

Twee persone is dood nadat ʼn ligte vliegtuig ongeveer 10 km buite Lanseria Internasionale Lughawe op die R512 neergestort het.

Braam Kruger, woordvoerder van Emer-G-Med, het in ʼn verklaring gesê paramedici is net na 16:30 na die toneel ontbied. “Volgens getuies het die vliegtuig net nadat dit opgestyg het, ʼn noodsein gestuur,” lui die verklaring. “Twee insittendes, glo ʼn man en ʼn vrou, het reeds aan hul beserings beswyk voor paramedici by die toneel opgedaag het. Hulle is op die toneel dood verklaar.”

Athlenda Mathe, woordvoerder van Netcare 911, het bevestig paramedici en ander nooddienste is op die toneel. Die Lanseria-brandweer was ook op die toneel om die brand te blus.

Die oorsaak van die ongeluk is onbekend. Die burgerlike lugvaartowerheid en Suid-Afrikaanse Polisiediens stel ondersoek in.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Chris W ·

Pipers is nou maar eenmaal NIE die veiligste vliegtuigies nie.

Chris W ·

Na ‘n duideliker foto verskyn het sien mens duidelik in foto van die smeulende wrak van die vliegtuigie in die agtergrond ‘n windkous!Dit beteken daar is ‘n landingstrook – is dit dalk waar hy vanaf opgestyg het en toe probleme ondervind het??Ai dis tragies dat mense so’ hul lewens moet verloor.My simpatie gaan uit na die naasbestaandes.Vlieg bly 100 maal veiliger as om met ‘n motor te ry op ons paaie!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.