Twee sterf ná kar rol

Die motor wat gerol het. Foto: Netcare 911

Die motor wat gerol het. Foto: Netcare 911

Twee mense is dood en drie beseer nadat ʼn motor Sondagaand op die N4-snelweg naby Bronkhorstspruit, oos van Pretoria, die pad verlaat en verskeie kere gerol het.

“ʼn Vrou is uit die voertuig geslinger terwyl dit gerol het. Sy het kritieke beserings opgedoen en moes met ʼn helikopter na ʼn nabygeleë hospitaal geneem word,” het Santi Steinmann, woordvoerder vir Netcare 911, gesê.

“Twee mans is op die toneel dood verklaar, en twee insittendes het ernstige beserings opgedoen.”

Die beseerdes is op die toneel gestabiliseer en met ʼn ambulans na ʼn nabygeleë hospitaal geneem vir verdere behandeling.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.