Twee mans, in hul 50s, is Saterdagmiddag dood toe hul paramotor ʼn berg in Howick, KwaZulu-Natal, getref het.
“Dit is nie duidelik wat die ongeluk veroorsaak het nie,” het Russel Meiring, woordvoerder van ER24, in ʼn verklaring gesê. Hy het gesê plaaslike owerhede was op die toneel om die ongeluk te ondersoek.
Paramedici het die mans dood aangetref langs hul klein, erg beskadigde tuig. Hulle moes van viertrekvoertuie gebruik maak om by die mans uit te kom.