(Argieffoto: ER24)
Twee mans is dood en nog een is in ʼn bedenklike toestand toe hulle motor op die M3 in Bishops Court in die Wes-Kaap ʼn boom getref het.
Russel Meiring, woordvoerder van die ER24, het gesê die twee mans is Vrydag om 23:45 leweloos en vasgekeer in die motorwrak aangetref.
Hulle is op die toneel dood verklaar.
“ʼn Derde man, vermoedelik ʼn passasier in die voertuig, is deur lede van die Wes-Kaapse nooddienste behandel. Hy was in ʼn kritieke toestand,” het Meiring gesê.
Die oorsaak van die ongeluk word ondersoek.
