Twee tieners verdrink by Ushaka

Argieffoto van Ushaka-strand (Foto: John A Forbes, Panoramio)

Argieffoto van Ushaka-strand (Foto: John A Forbes, Panoramio)

Twee tieners het Dinsdag ongeveer 15:30 by Ushaka-strand in KwaZulu-Natal verdrink.

“Vissermanne het gesien die twee tieners het in die moeilikheid beland en hulp ontbied,” het Garrith Jamieson, woordvoerder van Rescue Care, in ʼn verklaring gesê. “Rescue Care, die polisie se soek- en reddingsdiens, die Nasionale Seereddingsinstituut en lewensredders het dadelik reageer.”

Volgens Jamieson is een van die seuns se liggame uit die water gehaal en hy is op die toneel dood verklaar. “Reddingsbeamptes het tevergeefs na die tweede seun se liggaam gesoek. Die soektog is omstreeks 18:00 afgelas en hervat vroeg Woensdagoggend.”

Dit is nog nie duidelik wat tot die voorval gelei het nie. Die polisie stel ondersoek in.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Daleen Gornall ·

Daar is ‘n spel fout in paragraaf twee. Dit moet seker lees “soek-en reddingsdiens”

Nico Strydom ·

Dagsê Daleen

Dankie dat jy ons daarop gewys het. Die berig is gewysig.

Vriendelike groete

Nico Strydom nms Maroela Media

Liezel ·

Rerig Daleen, daar is 2 tieners dood en jy kan net spel foute uitwys. Agge nee man, wys bietjie simpatie

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.