Twee toeriste in Wildernis oorval, beroof

Wildernis (Foto: Argief)

Twee Amerikaanse burgers is Woensdag in Wildernis aan die Tuinroete in die Wes-Kaap deur twee verdagtes oorval waarna hulle glo met ʼn mes gedreig en van hul besittings en kontant beroof is.

Kapt. Malcolm Pojie, polisiewoordvoerder, het die voorval aan Maroela Media bevestig.

Volgens Pojie het die man en die vrou laatmiddag op ʼn uitstappie teen die kranse naby Leentjiesklip gegaan toe hulle op die treinbrug deur twee verdagtes voorgekeer is.

Pojie kon nie met sekerheid bevestig of die man wel met die mes gesteek is nie, maar het gesê dat “die man in die bres wou tree vir die vrou se veiligheid en toe ligte beserings in die voorval opgedoen het. Hy is ná die voorval na ʼn hospitaal geneem vir mediese behandeling.”

Die verdagtes het die toeriste van hul besittings, waaronder die sleutel van hul huurmotor, en kontant beroof en toe te voet op die vlug geslaan.

Niemand is nog in verband met die voorval in hegtenis geneem nie. Die polisie ondersoek ʼn saak van roof met verswarende omstandighede.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Hansie Slim

Roof met “verswarende omstandighede”
IS DIT OMDAT HULLE AMERIKANERS IS?
Wat gaan nou eintlik hier aan. Die mishandelde boere is gewoon statistieke.???????????
Jammer vir die toeriste van hierdie saak sal ook niks kom nie. Hierdie is afrika en misdaad bestaan net nie hier nie. Ons hou stats die stats.

Hanna Hoekom

Party mense wil ook nie luister nie: VSA het reeds in 2016 sy burgers teen SA (en spesifiek OR Tambo lughawe) gewaarsku. Gaan nou huis toe en verkondig dit asb!

ella

mense word gereeld daar aangeval. hoekom word daar nie voorsorgmaatreels ingestel nie. locals gaan juis nie eers soontoe nie. dit is n toeriste uitkyk. hulle moet borde daar opsit of toegangsbeheer maar toepas. tot iemand nou daar vermoor word.

Koos de Meyer.

Dis nou mooi advertensie vir ons land. Rowers nes.

Bly weg

Die cANCer se nuwe SA. Misdaadhool. Verstaan ook nie waarom toeriste nog hier kom uithang nie. Dié land is nie ‘n vakansieplekkie nie, dis ‘n plek waar jy post traumatiese stres sindroom kom opdoen, of erger, met jou lewe boet.