Twee toetssentrums gesluit oor sertifikate

padwaardig

Foto: Aaaautomotive.com.au

Twee privaat voertuigtoetssentrums in Soweto en Pretoria is gesluit weens beweerde bedrog en korrupsie.

Ismail Vadi, Gauteng se LUR vir paaie en verkeer, het Maandag gesê die Innovative Roadworthy Testing Station in Soweto, wat deur Themba Nxumalo besit word, en die Hercules Roadworthy Centre in Pretoria, wat deur Ahmed Suliman Ismail en Afzal Abramjee besit word, is Vrydag gesluit ná ʼn ondersoek deur die departement van paaie en vervoer.

Volgens Vadi is dié twee toetsstasies se registrasiesertifikate op 1 Maart gekanselleer.

Die sluiting van die stasies volg ná ʼn ondersoek deur sy departement en wetstoepassingsbeamptes.

“Drie voertuig-eksaminatore en een kassier is in Oktober verlede jaar by die toetssentrum in Soweto in hegtenis geneem.”

ʼn Bestuursverteenwoordiger en drie eksaminatore is ook in November by die Hercules Roadworthy Centre in hegtenis geneem. Aanklagte wat verband hou met die onwettige uitreik van padwaardigheidsertifikate vir voertuie wat nooit werklik by die toetssentrum was nie, staar hulle nou in die gesig.

Vadi het gesê onpadwaardige voertuie dra by tot die hoë ongeluksyfer en -sterftes op ons paaie en toetssentrums met wanpraktyke vererger dit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

7 Kommentare

Karolis ·

Ek gaan wag om te hoor wat gebeur met die betrokke volksvreemde beamptes en dan besluit of dit welgedaan is.

Dafer ·

Lyk vir my al meer na die sluiting van zoomafren besighede om plek te maak vir cyrilfren besighede.

Alida ·

Sjoe chaos oral. Hoop hulle ondersoek die mafia wat rybewyse uitreik teen n prys ook.

Marinda ·

Platteland in Nw net so kurup. Neem fotos van 2dehandse voertuie om reg papiere te kry….? Hoe werk dit?

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.