Twee uit motor geslinger tydens botsing; drie beseer

Argieffoto: ER24

Twee mense is dood en drie in ʼn kritieke toestand ná ʼn botsing Donderdagmiddag tussen drie voertuie op Malibongwe-rylaan in Johannesburg.

Russel Meiring, ER24-woordvoerder, het gesê twee mense, wat uit hul motor geslinger is, was reeds dood met die aankoms van nooddienste op die toneel.

“Die mense het langs hul voertuig op die pad gelê – daar was niks wat ons meer vir hulle kon doen nie,” sê hy.

Meiring sê drie ander mense is bygestaan deur ER24 en ander nooddienste, en na ʼn nabye hospitaal vervoer.

Hulle het matige tot ernstige beserings opgedoen.

Meer besonderhede oor die botsing is nog nie bekend nie, maar die polisie was op die toneel vir nadere ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

3 Kommentare

jongste oudste gewildste
Meraai

Ek onthou die veiligheidsveldtogte toe ons klein was in die sewentig/tagtigs. “Gordel vas gabba. Buckle up honey”. Daar word huidig bitter min gedoen aan padgebruik opvoeding. Dra sitplekgordels!

Gestremde parkering

In Nigel was die parkering vir gestremdes gemerk met ‘n bord wat lees: “Stupidity is not a disability”. Miskien Cor, sal jy nou verstaan.