(Argieffoto)
Twee verdagtes het Woensdag in die Witrivier-landdroshof buite Nelspruit in Mpumalanga verskyn in verband met ʼn moord wat in Februarie 2010 plaasgevind het.
Die saak teen Joseph Nyalungu (56), ook bekend as Big Joe, en Elvis Mulimi (50) is tot 28 Julie uitgestel wanneer hulle na verwagting om borgtog sal aansoek doen. Hulle word van moord en ontvoering aangekla.
Kapt. Dineo Sekgotodi, Valke-woordvoerder, het gesê Nyalungu en Mulimi is Dinsdag in hegtenis geneem tydens ʼn gesamentlike intelligensie-gedrewe operasie deur lede van die Valke, die taktiese reaksie-eenheid, die spesiale taakmag en misdaadintelligensie.
Willy Shipalane (36) se liggaam is in Februarie 2010 in die Bosbokranddam gevind. Die verdagtes is destyds vir ondervraging ingeneem, maar niks het verder van die saak gekom nie.
So die gereg is darem nie heeltemal aan die slaap nie.
Dankie manne en vroue van die langarm!
Beter laat as nooit.