Argieffoto: SAPD / Facebook
Die polisie het twee verdagtes in hegtenis geneem nadat ʼn 77-jarige vrou oor die naweek in haar huis in Humansdorp in die Oos-Kaap oorval en beroof is.
Kapt. Gerda Swart, polisiewoordvoerder, het gesê die vrou is Saterdag omstreeks 22:00 deur drie verdagtes in haar huis in Voortrekkerstraat oorval.
“Die verdagtes het die vrou vasgebind en op kontant aangedring. Hulle het juweliersware en ʼn rewolwer gesteel voordat hulle op die vlug geslaan het. Die slagoffer is eers die volgende oggend deur een van haar werkers gevind nadat die werker na haar gaan soek het,” het Swart gesê.
Speurders en polisiebeamptes het sedert die huisroof verskeie leidrade opgevolg wat Dinsdag om 23:50 tot die inhegtenisneming van twee verdagtes gelei het.
Die twee verdagtes, onderskeidelik 18 en 25 jaar oud, sal na verwagting Donderdag in die Humansdorp-landdroshof verskyn op aanklag van huisroof.
Die polisie is op die spoor van die derde verdagte.
Dankie – uitstekende werk
Baie mooi!!! Trots op julle!!
10/10! Ek hoop die gemors sit lank in die tronk. Hulle moet die kapenaars uitlos die SAPD in die kaap vat nie bollie nie. Hier in Gauteng is van die polisielede (let wel ek se sommige) die grootste skelms. Hoop die tannie is Ok. Shame man.
Dankie polisie, maar nou is dit die regsisteem se werk om die gemorse weg te bere vir baie lank.
Mooi SAP! Dankie vir jul goeie diens. Soos die kriminele geharder raak, sal die volgende slagoffer dalk met sy lewe boet!
Almal is nou bly hulle is gevang . Mense word wakker asb, SO AANVAL MOES NOOIT GEBEUR HET NIE !
Dis waar!
Maar mens wil amper sê:”Watter goeie, gawe inbrekers! Hulle het nie die vrou aangerand, verkrag of vermoor nie.” Hemel, ek is al vuisvoos deur net van al die misdaad te lees!
Hoera vir flink optrede van Polisie
Sigbaarheid kan elke aanval hokslaan
Sys miskien nie aangerand nie Andrea maar het iirnag vasgebind net daar gelê… ‘n traumatiese ervaring op sy eie… Dan staan daar dat hulle net vir huisroof aangekla word… Dit sien ek dikwels in berigte en dit maak my baie vies!!!
Wel ek is bly die Tannie is nie ook gemartel en vermoor nie! Goeie werk SAP! Doe so voort! Stuur die boewe Robbeneiland toe.
O dankie liewe Vader dat die ou tannie nie doodgemaak of verkrag is nie. Dis so jammer dat weerlose ouer mense so n teiken vandag is. Ek hoop sy sal trauma behandeling kry.