Twee vas ná moord op Pta-man in Kleinmond

Pieter Mienie. Foto: Facebook

Twee verdagtes is in hegtenis geneem in verband met die moord op Pieter Mienie (60) in Kleinmond in die Wes-Kaap.

Kapt. FC van Wyk, woordvoerder van die polisie, het gesê die verdagtes, 28 en 29 jaar oud, sal vandag in die Caledon-landdroshof verskyn op aanklag van moord en huisroof.

Mienie is Woensdag in die vroeë oggendure met ʼn skerp voorwerp gesteek. Volgens die Overstrand Herald was Mienie en sy vrou, Anita, met vakansie in Kleinmond. Die egpaar is van Pretoria.

Mienie het glo wakker geword tydens die inbraak en het vermoedelik die verdagtes gekonfronteer voor hy aangeval is. Hy is na ʼn hospitaal gehaas maar het daar aan sy beserings beswyk. Die egpaar het glo in ʼn vriend se huis tuisgegaan.

Die eerste verdagte is kort na die voorval in hegtenis geneem terwyl die tweede verdagte omstreeks 17:45 Woensdag vasgetrek is. Niks is tydens die voorval uit die huis gesteel nie.

Dr Braam Hanekom, voorsitter van die Kleinmond-gemeenskapsforum, het intussen gesê hulle het met skok en afgryse kennis geneem van die moord op Mienie.

“Dit wil voorkom of dit die soveelste dwelmverwante insident die afgelope tyd was. Nie net op Kleinmond nie maar oral in ons provinsie. Dit fokus opnuut die aandag op soveel van ons gemeenskappe wat hieronder ly. ’n Veel dringender en oorhoofse strategie om dit te bekamp is nodig.”

Verteenwoordigers van die Kleinmond-gemeenskapsforum het na die moord met onder andere die polisiehoof en die dorpsbestuurder vergader om die situasie te bespreek.

“Intussen gaan ons harte uit na die familie van die slagoffer, maar ook soveel ander families en slagoffers wat vasgevang is in ’n ‘gees van geweld’ wat Suid-Afrika tans gevange hou.”

Mienie is ʼn afgetrede geoloog. Buiten sy vrou laat hy ook twee dogters en ʼn skoonseun agter.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
noeks

Mmmm nou gaan dwelms weer die skuld kry, en hulle in in rehabilitasie sentrum gesit word, of moet gaan vir sielkundige evaluering.

Spike

Ek glo nie dit is dwelmverwant nie. Dis rassehaat aangevuur deur anc, eff, blf comrades en kaders. Waar is ons sogenaamde pres. Hy sê nie ñ woord oor die misdaad sitsuasie in die land nie, maar dit sal weer apartheid se skuld wees.

fish

agnee. my ouma bly in kleinmond en ons hou gereeld vakansie daar van ek in doeke was. sterkte vir almal wat betrokke is. Mens wil nie sulke goed hoor in so mooi klein dorpie nie want almal ken almal daar basies.

Lizelda

Ek wil net n vraag vra. Die mense wat so sinneloos mense vermoor vir niks… Is dit nie hulle manier om maar net tronk toe te gaan en dan weet hulle vd volgende paar jaar eet en slaap hulle verniet nie. Ek meen watter ander logiese verduideliking is daar?

chrissie

2 Blanke mans vermoor …… hartseer om vandag Maroela te lees!!!! wanneer gaan die blanke moorde ophou? vermoor vir absoluut NIKS!!! TRAGIES!!!