Twee vas ná moorde

Foto: SAPD/Facebook

Foto: SAPD/Facebook

Twee verdagtes sal Dinsdag in die Mmabatho-landdroshof in Noordwes verskyn in verband met die moord op twee mense.

Maj. Pelonomi Makau, woordvoerder van die polisie, het gesê die twee verdagtes het glo Vrydagaand ʼn snoepwinkel in Mahikeng binnegegaan, ʼn klant doodgeskiet en die winkeleienaar gewond. Die verdagtes het glo met kruideniersware en ʼn onbekende bedrag kontant gevlug.

“Die verdagtes het glo hierna ʼn taxi voorgekeer en die bestuurder doodgeskiet. Die verdagtes het met die taxi wat vol passasiers was, weggery.” Volgens Makau is die polisie in kennis gestel en het die verdagtes met die taxi teen ʼn boom gebots toe hulle die polisie gesien het.

Makau het gesê die verdagtes is in Magogwe buite Mahikeng in hegtenis geneem. Hy het gesê geen taxipassasiers is beseer nie en die ondersoek duur voort.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Pierre ·

Goeie werk. Hou so aan julle doen goeie werk. Saak vir saak gaan julle n verskul maak.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.