Twee vas ná poolhond se dood

Max

Max

Twee mans is in hegtenis geneem in verband met die voorval in Witrivier, Mpumalanga waar ʼn tweejarige poolhond doodgeslaan is nadat hy glo ʼn bok gebyt het.

Brig. Selvy Mohlala, woordvoerder van die polisie, het gesê die twee mans is Saterdag in hegtenis geneem op aanklag van opsetlike saakbeskadiging. Mohlala wou nie die twee mans se name bekend maak nie aangesien hulle later vandag in die Witrivier-landdroshof sal verskyn.

Mohlala het wel gesê die twee mans is in hegtenis geneem nadat hulle aanklagte teen mekaar aanhangig gemaak het. Die mans is op waarskuwing vrygelaat. Maroela Media verneem dit is Marius Kotze, die eienaar van die poolhond Max, en Mildred Spahn, eienaar van die Ilanda-gastehuis, se seun wat in hegtenis geneem is.

Kotze, wat saam met sy vrou en twee kinders op ʼn hoewe in Witrivier woon, het Saterdag aan Maroela Media gesê een van sy werkers het Dinsdag vir hom gevra waar is Max nadat hy ʼn hond hoor tjank het. Volgens Kotze het hy gesien hoe drie mans op Spahn se plot ʼn hond met stokke en pype slaan in ʼn buitegebou. Hy het besef dis Max en die polisie en DBV is ontbied.

Spahn het aan Maroela Media gesê hulle het ʼn paar bokke en ʼn vark op hul hoewe. Sy beweer Kotze se poolhonde het die afgelope paar maande twee bokke doodgebyt en die vark ook aangeval. Max het glo Dinsdag weer een van Spahn se bokke gebyt waarna hy doodgeslaan is. Die bok moes glo van kant gemaak word.

Klik hier vir oorspronklike berig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
carel

dit is baie hartseer – ek wens iemand maak die barbare teen n paal vas en slaan hulle ook so – die hond is n dier hy volg sy instinkte – het die 2 bure nooit met mekaar oor die probleem gepraat nie? En die eienaar wat dink jy gaan gebeur as jou hond ander mense skade aandoen? Jy is net so skuldig. Die barbare wat die hond dood geslaan het is slegte gemors wat nie n gewete het nie hoop julle word swaar gestraf – julle kon maar net die hond verwilder het en by die eienaar en/of SAP… Lees meer »

Vicky

Hoekom die hond doodslaan? was daar nie ‘n ander manier gewees nie………..?

anne

Barbare!! miskien moet hulle vasgekeer word in ‘n hoek en so geslaan word. Skandelik man!!

anne

Dis so hartseer en wreed, arme dier. Wys hierdie mense se gesigte sodat almal kan sien hoe die
barbare lyk wat dit gedoen het. SIES MAN!!

SANDRA MOOLMAN

Stuur hulle vir my ek sal hulle uitsort met stokke en pype. Wie gee hulle die reg om dit te doen, lyk my hulle is van daai tipe, hul het dit gedoen omdat Max hul diere gebyt het. hulle moet swaar gestraf word