Twee mans, onderskeidelik 39 en 45 jaar oud, is in Bothasig in Kaapstad in hegtenis geneem in verband met die besit van olifanttande.
Sers. George Mjiwu, woordvoerder van die polisie in die Wes-Kaap, het gesê lede van die blitspatrollie was besig met patrollie toe hulle ʼn verdagte motor opgemerk het.
“Hulle het die motor deursoek en op vier olifanttande afgekom. Die twee mans het nie enige dokumentasie gehad vir die besit van die ivoor nie,” het Mjiwu bygevoeg.
Die mans sal na verwagting in die Goodwood-landdroshof verskyn op aanklag van die onwettige besit van ivoor.
Ras, nasionaliteit ens ens?
Baie baie lankal probeer ek vasstel hoe lyk ‘n verdagte motor. My raaiskote het kombi’s ingesluit maar dit strek beslis wyer as dit. Sal steeds wil weet hoe ‘n verdagte motor lyk.
Dit ìs die motor wat skelms in rondry.