Twee vas oor Uitenhage-moord

Argieffoto

Argieffoto

Twee mans is in hegtenis geneem in verband met die moord op Matthys Human (80), wie se liggaam Saterdag in sy huis in Uitenhage in die Oos-Kaap aangetref is.

Ao. Gerda Swart, ʼn polisiewoordvoerder, het Donderdag aan Maroela Media bevestig twee jong mans, albei in hul 20s, is Woensdagaand in hegtenis geneem. “Die polisie het op ʼn wenk reageer en die twee verdagtes by hul huise in Kwa Nobuhle, ʼn woongebied buite Uitenhage, in hegtenis geneem,” het Swart gesê.

Die twee mans moet Vrydag in die Uitenhage-landdroshof verskyn op aanklagte van moord en roof.

Maroela Media het Sondag berig Human se bure het Saterdagoggend die polisie ontbied nadat hulle onraad begin vermoed het, aangesien hulle Human lanklaas gesien het. Human het alleen gebly. Sy liggaam is in die gang aangetref en hy is vermoedelik met ʼn stomp voorwerp oor die kop geslaan.

Talle items waaronder elektriese toebehore is gesteel. Lees meer hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

1 Kommentaar

jongste oudste gewildste
Trippie

Baie, baie dankie aan die persoon wat die wenk deurgegee het, nou vir ‘n suksesvolle skuldigbevinding en LEWENSLANGE TRONKSTRAF.