Twee vas vir Koedoeskop-plaasaanval

Een van die verdagtes wat in hegtenis geneem is. Foto: Heritage Protection Group

Een van die verdagtes wat in hegtenis geneem is. Foto: Heritage Protection Group

Twee mans, wat na bewering in Mei vanjaar ʼn boer en ‘n werker op hul plaas naby Koedoeskop oorval en aangerand het, is Dinsdag in die vroeë oggendure in hegtenis geneem.

Maroela Media het vroeër berig Petrus Johannes Venter (59), ʼn plaasbestuurder, en een van die werkers op die plaas is op 30 Mei in die vroeë oggendure deur vier aanvallers oorval wat met ‘n panga en sambok gewapen was. Die aanvallers het geld geëis, maar daar was nie geld op die perseel nie. Die verdagtes het toe met plasma-televisiestelle en ander huishoudelike items gevlug.

Sakkie Louwrens, direkteur van die teenmisdaadgroep Heritage Protection Group, het Dinsdag aan Maroela Media gesê die twee verdagtes is in Northam in hegtenis geneem. Van die gesteelde goedere is in hul besit gevind. “Ons kon een van die verdagtes deur middel van sy vingerafdrukke met die misdaadtoneel verbind,” het Louwrens gesê.

Hy het gesê hulle is steeds op die spoor van die ander twee verdagtes en hoop om hulle ook binnekort vas te trek.

Maroela Media het lt.kol. Malesela Ledwaba, woordvoerder van die polisie, om kommentaar genader en wag steeds op terugvoer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
E

Ek is bly hul is gevang. Plaasmoorde is mos nou ń preoriteitsmisdaad, maar die anargiste het ń nuwe taktiek wat nou kop uitsteek.Het jul opgelet? Mense word nou laataand by besigheidsafsprake oorval en vermoor. Mense raak vermis en later hoor ons hul is vermoor. Wat is die verskil?

Snoefie

Hoekom word hulle identiteit altyd beskerm? Die misdade wat hulle pleeg regverdig dat die publiek sien hoe die oortreders lyk.

m

Niemand wil mee werk nie, wil net eenvoudig by ons huise inkom en kom vat wat hulle wil en jou kom rondruk in jou eie huis. Ek wonder of hierdie regering besef in wat se groot gemors hierdie land is wat misdaad betref…………….. dis total buite beheer….

Johann

En nou is hulle in die hande van die res van die “besigheids model”…die polisie. Breek en brand en steel en verwoes en vermoor. Word dalk gevang…en dan begin die lekker van in Suid Afrika n krimineel wees. Veral met die regte voorheen benadeelde verskoning. N opvang en ruskan op die belasting betaler se rekening. Net om vrygelaat te word om verder besigheid te doen.

Kosie

Die twee lyk soos bog snuiters. Watse ouers maak hulle kinders so groot?
Watter regering laat sulke nonsens toe. Bring terug die doodstraf.