Twee vas wat glo lisensies ‘verkoop’

Foto: SAPD/Facebook

Foto: SAPD/Facebook

Die polisie het ʼn werknemer van ʼn bestuurskool en ʼn beampte van die Mooirivier-bestuurtoetssentrum in KwaZulu-Natal in hegtenis geneem.

Simon Zwane, woordvoerder van die Padverkeerbestuurskorporasie, het gesê die twee is Vrydag in hegtenis geneem, na ʼn maande lange ondersoek deur die nasionale teenkorrupsie-verkeerseenheid. Hulle word daarvan beskuldig dat hulle leerling- en bestuurslisensies bedrieglik uitgereik het.

“Die vrou van die bestuurskool het glo saam met die beampte van die bestuurtoetssentrum gewerk en lisensies uitgereik in ruil vir omkoopgeld. Die twee word in Durban aangehou en sal Maandag in die hof verskyn.”

Zwane het bestuurskole gewaarsku om nie by korrupte aktiwiteite betrokke te raak nie. “Ons het inligting oor talle bestuurskole wat glo by die aktiwiteite betrokke is en ons ondersoek is aan die gang om die skuldiges aan die pen te laat ry.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
zoom zoom

Alles draai om geld. Kyk maar na zuma en impis . So dit het n morm geword SA wat nie gedtop gaan word nie

jaco

Ek dink hierdie bedrog is heeltemal verkeerd, maar ek verstaan die geld-motief daarvoor: ALLES in hierdie land raak net duurder en duurder en duurder. Elke keer as ek deur ‘n supermark loop, verstaan ek nie hoe arm mense oorleef nie. Wat my ook verbaas is dat daar geen grootskaalse opstand teen dit is nie.

Buitestander

Nou kan ek verstaan dat so baie padongelokke in Kazulu-Natal plaasvind.
Geen K53 opleiding nie en geen praktiese toetse word op ‘n groot deel van bestuurders gedoen nie.
Met ander woorde dit kan gebuer dat bestuurders nie verder as 10 meter vooruit kan sien nie en. Kenbis van padreëls bestaan nie.

Albert Marais

Die “beamptes” moet sommer ook van poging tot moord aangekla word. Hulle reik lisensies uit om moord op ons paaie te pleeg.

Marieta

en so word baie onwettige ‘wettige moordenaars’ op ons paaie toegelaat…. dis nonsens dat wettige lisensies te duur is…. baie ‘instrukteurs’ is nie eers goed opgelei nie…. stop sommer daar…. ek het nooit iemand gevat vir toets as hulle nie suksesvol sal wees nie….. mors nie die kosbare toetstyd nie…. en drywers is bevoeg!!!