Twee verdagtes geskiet na huisroof

polisie-sapd

Argieffoto: SAPD/Facebook

Die polisie in KwaZulu-Natal het twee verdagtes geskiet en gewond nadat hulle glo ʼn huis in Pinetown naby Durban beroof het.

Kol. Jay Naicker, woordvoerder van die polisie, het gesê vier verdagtes het glo by ʼn huis ingebreek en rekenaartoerusting en ander items gesteel voor hulle in ʼn wegkommotor gevlug het.

Volgens Naicker is die polisie ontbied en het beamptes die verdagtes op die M19-hoofweg naby Pinetown voorgekeer. Die verdagtes het op die polisie losgebrand. Die polisie het teruggevuur en die verdagtes het beheer oor hul motor verloor. “Hulle het in die veld in gevlug en polisiebeamptes en lede van die honde-eenheid het hulle agternagesit. Twee van die verdagtes is gewond tydens die skietgeveg en in hegtenis geneem.”

Volgens Naicker het die polisie op die gesteelde items beslag gelê. Daar is ook op die verdagtes se wegkommotor beslag gelê nadat dit vasgestel is dat dit vroeër gesteel is. Die verdagtes wat in hegtenis geneem is, is na ʼn nabygeleë hospitaal geneem vir behandeling.

Die verdagtes, 35 en 40 jaar oud, sal binnekort in die Pinetown-landdroshof verskyn op aanklag van poging tot moord, huisroof en die besit van gesteelde eiendom. Die soektog na die ander twee verdagtes gaan voort.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

HEVW ·

Maroela maak asseblief in jul beriggewing die nasionaliteit van hierdie horde sg. verdagtes bekend sodat ons tewete kan kom wat is die impak van misdadigers wat van buite af SA oorstroom.

CHRISTA ·

Ek hoop die polisiehonde het so ‘n paar happe ingekry!!!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.