Twee verkeersbeamptes vas vir omkopery

Foto: Departement van verkeersveiligheid

Foto: Departement van verkeersveiligheid

Twee verkeersbeamptes van die Tshwane-metropolisie is in hegtenis geneem nadat hulle glo Donderdagaand ‘n motoris probeer omkoop het.

“Hulle het aan hom gesê sy lisensieskyfie is foutief en het geld geëis,” het Isaac Mahamba, woordvoerder van die Tshwane-metropolisie, gesê.

“Die motoris het aan die beamptes gesê hy het nie kontant by hom nie en hulle gevra om hom na sy kleinhoewe te volg.”

Mahamba sê die motoris het intussen die polisie gekontak en die twee beamptes is op die kleinhoewe in Welbekend in hegtenis geneem.

Mahamba sê die beamptes sal na verwagting Vrydag in die hof verskyn. “Ons gaan interne dissiplinêre prosedures van stapel stuur en briewe met die voorneme om te skors sal aan die beamptes uitgereik word.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

10 Kommentare

Meneer ·

Dit was nou slim! Net jammer die cops weet nou waar hy bly…

Hannelie du Plessis ·

Nog ‘n blabs!

“Twee verkeersbeamptes van die Tshwane-metropolisie is in hegtenis geneem nadat hulle glo Donderdagaand ‘n motoris probeer omkoop het.” Dit blyk uit hierdie sin dat die metropolisie die motoris wou betaal, terwyl die berig eintlik daaroor gaan dat hulle betaling van die motoris wou hê!

Swak, swak!

Philip ·

Ag Hannelie, jy vind fout met alles. Mense met ‘n goeie begrip verstaan wat geskryf word.

Hannelie du Plessish ·

Julle kan dalk met sulke swak Afrikaans tevrede wees! Net soos wat julle seker dan ook met al die swak diens en gemors in hierdie land tevrede is! Wat Maroela betref, julle weet mos as jy jouself uitgee vir ‘n toffie……!

Charmaine Paterson ·

Jammer, my vraag oor die “blaps” was aan Hannelie gerig, ek is nuut hier.

Ellen Mare ·

In Edenvale gaan dit net so. Hulle vat jou na die naaste ATM om geld te trek!!!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.