Twee vermeende rowers in Richmond doodgeskiet

AK47-aanvalsgewere (argieffoto)

AK47-aanvalsgewere (argieffoto)

Twee vermeende rowers is Maandag in Richmond, KwaZulu-Natal, deur die polisie doodgeskiet.

“ʼn 46-jarige werknemer was in die winkel besig toe ses persone hulself as klante voorgedoen het,” het kapt. Thulani Zwane, ʼn polisiewoordvoerder, Dinsdag gesê. “Hulle het aanvalsgewere te voorskyn gebring en die man gedreig. Hulle het met ʼn onbekende hoeveelheid geld en selfoonlugtydkoepons gevlug.”

Lede van die Hilton-blitspatrollie en die honde-eenheid van die Pietermaritzburg-polisie is ontbied waarna hulle die verdagtes agternagesit het. Twee verdagtes is noodlottig gewond tydens ʼn skietgeveg.

Een van die verdagtes is in die nek gewond. Hy is op die toneel behandel en word by die Richmond-polisiestasie aangehou.

Die ander drie verdagtes is op die toneel in hegtenis geneem. Hulle het geen beserings opgedoen nie. Die verdagtes is almal tussen die ouderdom van 21 en 36 jaar oud. Hulle moet binnekort in die hof verskyn op aanklagte van besigheidsroof.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Jasper ·

Ek kan nie meer anders as om verheug te voel as ek sulke nuus lees nie.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.