Twee vermeende stropers is Dinsdagaand by die Mkuze-wildreservaat in Nhlonhlela, KwaZulu-Natal deur veldwagters doodgeskiet.
Volgens Musa Mntambo, woordvoerder van Ezemvelo KZN Wildlife, het vier veldwaters die reservaat te voet gepatrolleer toe hulle op twee verdagtes, waarvan een gewapen was, afgekom het.
“Die gewapende man het ʼn .458-jaggeweer by hom gehad, en op die veldwagters begin losbrand,” het Mntambo gesê. Die veldwagters het teruggeskiet en die verdagtes noodlottig gewond.
“Daar is beslag gelê op die jaggeweer, ʼn knaldemper, kapmes, en twee selfone.”
Die veldwagters is nie tydens die voorval beseer nie.
Dis regtig ‘n mooi storie! Wens ons kan meer van dit lees!!
Smaak my die manne skiet om raak te skiet …. mooi so!!
Mooi man!
Daar sy!! Hulle Moët meer skiet. Knap gedaan veldwagters!!