Twee vissermanne deur marlyn beseer

Argieffoto Foto: digitaldeconstruction.com

Argieffoto Foto: digitaldeconstruction.com

Twee vissermanne is Saterdag tydens ʼn visvangkompetisie in Durban ernstig beseer deur ʼn marlyn wat ongeveer 140 kg geweeg het.

“Al twee bemanningslede is in ʼn ernstige, maar stabiele toestand in die intensiewesorg-eenheid in die hospitaal,” het Craig Lambinon, woordvoerder van die Nasionale Seereddingsinstituut (NSRI) gesê.

ʼn Visserman het die marlyn ingetrek toe die vis uit die water gespring en deur die windskerm van die boot gebars het. Dit het agter op die boot beland. Die vis se vin het ʼn 35-jarige man getref en hy het op ʼn 33-jarige man geval.

Die 35-jarige man het rug-, rib- en maagbeserings opgedoen. Die ander man se skouer en rug is beseer.

“Die kaptein het bevestig dat die marlyn oor die boot gegly en weer in die see verdwyn het,” het Lambinon gesê.

Die mans sal na verwagting ten volle herstel. -SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Shannon ·

Fantastiese nuus !
Slegs `n handjie vol syl vis en ander spesies wat nog oorbly, en nog minder wat tot 150 kg oorleef. Maar daar’s altyd `n boepens met `n snor, `n ego en baie min verstand wie die dier om die lewe wil bring.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.