Twee vliegtuie bots in die lug in Gauteng

Argieffoto van ZS-OMN van Central Flying Academy (Foto: Central Flying Academy/Facebook)

Minstens vier mense is dood toe twee vliegtuie in die lug teen mekaar gebots het in die omgewing van Grasmere in die suide van Gauteng.

Kabelo Ledwaba, woordvoerder van die Burgerlike Lugvaartowerheid (BLO) het Dinsdag in ʼn verklaring gesê lede van sy ongeluk- en voorvalondersoekeenheid is na die toneel ontbied. Die ongeluk het Maandagaand plaasgevind.

“Die ondersoekspan is op die toneel en hulle is besig om bewyse te versamel. Dit sal die grootte, omvang en verwagte tydsduur van die ondersoek bepaal,” het Ledwaba gesê.

Die doel van die ondersoek is om die oorsaak van die ongeluk te bepaal en aanbevelings te maak om soortgelyke ongelukke te voorkom, het hy bygevoeg.

ʼn Voorlopige verslag sal na verwagting binne 30 dae gereed wees.

Maroela Media verneem leerlingvlieëniers was besig met nagvlug-opleiding.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

5 Kommentare

jongste oudste gewildste
Tipper

O magtag,Wie was hulle.

Erita

Om nagvlugte te kan oefen neem ek aan hulle het seker al heelwat vlieg ure al op hulle “log books” gehad
Bemande of onbemande lughawe?

Estelle

Hoekom het die lugverkeer beheerder dit nie gesien voor dit gebeur het nie. Hy is die ou wat moet seker maak sulke dinge gebeur nie.