Twee vroue op Limpopo-plaas aangeval

Argieffoto: Reint Dykema

ʼn 37-jarige vrou en ʼn huiswerker is Dinsdag vroegoggend op ʼn plaas in die Modjadjiskloof-omgewing in Limpopo deur ʼn onbekende aantal mans oorval en aangerand.

Brig. Motlafela Mojapelo, polisiewoordvoerder, sê die mans het omstreeks 01:45 die plaas Fritsgewacht met pangas en messe betree.

“Die vrou het glo geslaap toe die alarm afgegaan het. Sy was op pad om buite te gaan ondersoek instel toe twee gewapende mans ʼn deur oopgebreek en die huis binnegekom het,” sê Mojapelo.

Volgens Mojapelo het die mans glo geld en juwele geëis en die vrou met hul wapens aangerand.

“Die vrou het probeer terugbaklei, maar hulle het haar oorrompel en erg met staalpype aangerand.”

ʼn Derde verdagte, wat met ʼn skerp voorwerp gewapen was, het die huiswerker wat op die plaas woon, ook in die huis ingetrek. Haar hande was vasgebind.

“Die mans het selfone, ʼn skootrekenaar en verskeie pare skoene gebuit en te voet gevlug.”

Een van die vroue kon die polisie en nooddienste na die toneel ontbied en die twee slagoffers is vir behandeling na ʼn hospitaal geneem.

ʼn Saak van huisroof is aanhangig gemaak en niemand is nog in verband met die voorval in hegtenis geneem nie.

Enigiemand met inligting wat tot die mans se inhegtenisneming kan lei, kan die ondersoekbeampte, ao. Curven Shikwambane, by 082 414 2736 of die Stop Misdaadnommer by 08600 10111 bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

20 Kommentare

Net ek ·

Huisroof????? Dis belaglik, wat van poging tot moord, aanranding met doel om ernstig te beseer……….

Johann ·

Vra ek ook? Waars Cowboi met sy slim analise van sy statistieke? Of is dit deel van die ANC ANARGIE STRATEGIE? In samewerking met hulle skootbrak rooipetters? Maak poging tot moord af as huisroof? En veediefstal as honger pyne…en moord…wel as n beplande aanslag op weerlose blanke mense.

En borgtog n bespotting van reg en geregtigheid.

Anel ·

Wat van huisbraak met die opset om te roof en gewapende roof, en poging tot moord?

Einstein ·

Sal ophou as die boere hulself bewapen en begin terug baklei. Beveg vuur met vuur.

Cecilia ·

Hulle is lafaards klomp mans teen n weerlose vrou! D huiswerker is net ingesĺeep om te se dis nie rassisties nie. D werker het seker d minste beserings opgedoen.
Eks bly d boervrou het oorleef.

Persheks Adri ·

Ons is sitting ducks mense en Cele en sy petters verlekker hulle! Beslis NIE huis roof NIE verander die klagtes groot hoed en steeds worrie niemand in die parlement nie en bly stil…

Hoekom altyd meer as 1 ou betrokke? Lafaards dis hoekom

Misky ·

Net huisroof????? Werklik SAP julle is pateties en julle hoof Hoed

Maria ·

Dankbaar dat die vroue die aanval oorleef het. Vroue alleen op ‘n plaas is weerloos. Dit kan net georkestreer wees, die aanvalle. Hulle wil nou die wet verander dat grond wat verlate is onteien kan word. Dit is hoe hulle mense boelie

Miskruier ·

En dan steek hul die plase aan die brand….hongersnood as daar nie nou ingegryp word nie.

Niklaas ·

Ek glo steeds dat die aanvalle en diefstalle sal effens verminder as daar ‘n verbod bestaan in ons land t. o. v. die handel in 2 de handse skootrekenaars en selfone. Dit moet nie by pandjies winkels te koop wees nie. Dan is dit nutteloos vir diewe.

Johan ·

dus net so hartseer dat ons kan sien wat aangaan en daar is niks wat ons kan of wil doen want as ons waag om iets te doen word ons aangekla vir terrorisme my hart bloei vir die plaasboere ek weet hoe voel die famielie 2 van my familielede is op hul plase vermoor baie wreed en niks sal daai wonde kan genees dit word net oopgekrap elke keer as ek lees van nog n plaasboer wat vermoor is.

Nico ·

Dit is weereens ‘n bewys dat hulle klomp lafaards is, wat sê Behki Cele hiervan.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.